YouTube CEO Susan Wojcicki 宣佈咗將離任，並開始「一個聚焦喺家庭、健康同感興趣嘅個人計畫上嘅新篇章」，CEO一職將由CPO Neal Mohan接任。Wojcicki喺Alphabet任職咗近25年，可以話自Google一開始成立佢就已經加入咗。
Wojcicki第二年擔任咗Google第一任嘅行銷經理，喺Google早期推動咗Google Doodles，並共同創建咗Google圖片搜尋，仲擔任咗AdSense嘅首任產品經理。喺2006年嗰陣，Wojcicki力推Google買YouTube，並喺8年後接手YouTube嘅CEO，成為科技業界最有影響力嘅女性之一。
喺Wojcicki擔任CEO期間，YouTube嘅規模同影響力與日俱增，至今成為Alphabet極為重要嘅一部份，YouTube上一季嘅廣告收入就超過咗 Alphabet 整體嘅10%咁多。不過YouTube依幾年嚟都唔係完全一帆風順，當中都有面臨仇恨言論、假消息、不當宣稱版權同內容限制等問題，不過Wojcicki向來都保持住傾聽創作者同用戶聲音嘅政策，並且直接面對依啲問題，同用戶溝通。
Wojcicki 並唔會即刻離開公司，喺短期內佢將先協助Mohan接手事務，並且會繼續同YouTube團隊合作，並同創作者會面。喺離職後，Wojcicki 會繼續以顧問嘅身份協助Google同Alphabet，為Alphabet旗下嘅公司提供指導與經驗。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
