強積金係用作其中一項退休保障，同時都係打工仔嘅血汗錢。當你以為冇買股票就唔受跌市影響？其實大部分打工仔嘅強積金其實都同股票掛勾，而今年強積金頭10個月已經俾跌市影響到，人均蝕2成錢，大約為5萬蚊，血汗錢化為烏有！
根據晨星（亞洲）截至今個月19號數據，10月打工仔強積金平均跌0.93%，以約457萬名強積金成員計算，人均蝕2,151元；累計首10個月跌幅高達21.46%，人均蝕49,652元。
強積金蝕到咁其實有好幾個原因，主要係因為中港股市大跌，美國加息、中國房地產危機、俄烏戰爭等因素影響，但最令打工仔重創嘅係中國及大中華股票、港股依兩個類別，跌幅多達4.83%同4.09%；今年共跌咗34.96%同30.37%，係強積金類別入面跌得最「金」。歐洲股票同美國股票雖然最近表現好咗，歐洲股票10月上升2.73%；美國股票升幅有2.57%。但係依10個月嚟講依然係虧損，分別跌咗24.89%同23.92%。
上古國際集團董事梁彥穎認為，打工仔要有心理準備預期今年強積金負回報收場。因為11月聯儲局1可能加息0.75厘，下月股市可能再有波動，可趁跌市入手優質港股或美股組合。中國通海私人財富管理董事總經理張佩儀則表示，強積金係長線投資，毋須太悲觀，亦唔洗急急轉倉。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
