Meta官方早前宣佈，將加入新嘅個人資料切換介面，俾用戶更容易掌握通知並喺 Facebook 同 Instagram 之間切換。
Meta 表示正在測試帳戶中心（Accounts Center）新功能，俾用戶可以喺Facebook 同 Instagram 上切換、建立帳號更容易，透過新功能，用戶可以將 Facebook 和 Instagram 帳號加到同一個帳戶中心，亦可以整合兩個應用程式帳號嘅通知。用戶可以使用現有嘅 Facebook 或 Instagram 登入介面嚟創立新帳號。
先前喺 Instagram 登入介面上其實就可以快速切換唔同帳號，而家 Meta 連facebook帳號都放埋一齊，希望方便用戶切換兩個社交平台。今次加入新帳戶註冊同登入流程，用戶能夠更輕鬆咁喺 Facebook 同 Instagram 上登入或者建立新帳號。
用戶如果將 Facebook 同 Instagram 個人資料新增到同一個帳戶中心，就可以喺 Facebook 同 Instagram 帳號之間一鍵切換。此外，而家可以喺一個地方查看自己喺 Facebook 同 Instagram 個人資料，通知亦可以直接顯示喺每個個人資料中，查看兩個應用程式最新活動。
官方目前正喺全球嘅 iOS、Android 同 Web 上測試新體驗。
資料來源：Meta
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
