1,842

Quiet Firing係咩意思?6個老細想「無聲解僱」嘅先兆

繼早前「無聲辭職」(Quiet Quitting) 依個熱潮得到好多打工仔嘅支持同跟隨,而家老闆們都唔執輸!專家警告打工仔要注意有一種被稱為「無聲解僱」(Quiet Firing) 嘅管理方法,其實依種做法已經持續多年,只係冇特別報導過。

 

咩係「無聲辭職」?

之前講過「無聲辭職」係指:只求達到工作嘅最低要求,只做返你嘅份內工作,員工嘅工作態度唔再積極,唔會承擔任何額外工作/OT。

 

咩係「無聲解僱」?

「無聲解僱」係指經理謹慎而一致地解僱一名員工,主要係因為公司需要削減成本同進行裁員。而佢哋嘅手法係老闆或經理會透過令員工長期士氣低落、感覺不被需要、甚至刁難佢哋等招數,嚟去迫員工自行離職,小編舉咗6個老細想「無聲解僱」你嘅先兆,大家可以參考下!

 

1.工作量突然唔合理地增加

因為「無聲解僱」通常會偷偷地咁進行,如果突然唔合理增加咗一堆平日唔係你份內嘅工作,就要特別小心,通常係老闆為咗令你感到壓力,特登令員工做唔晒啲嘢,最後因工作量過大而決定自行離職。

2. 突然減你工時

依個現象多數會出現喺服務、飲食行業,老闆們會透過減鐘、臨時改你上班地點等去減少前線員工,除咗可以減少人工,仲可以令員工產生自己不被需要、面臨被解雇嘅錯覺,搞到士氣低落,令員工決定自行離職。

3. 接手最爛嘅工作

多數員工都係俾老闆突然針對,將最難處理、最嘥時間嘅工作分俾佢哋,令佢哋心理上承受巨大壓力,做得好唔開心,最後搞到頂唔順而自己辭職。

4. 唔升職加人工

對於打工仔嚟講,打工為咗不停升職加薪,依啲需求通常都係年尾提出。如果老闆係想「安靜開除」嘅話,就會故意無視員工嘅要求,咁工作能力不被認可,又冇得加人工,打工仔就自然會轉工去加人工。

5. 老細不斷挑剔你

如果平時老細冇咁harsh,唔會乜都彈你做得唔好,喺雞蛋挑骨頭,但突然感覺到老細開始對自己好不滿,做極佢都唔滿意嘅,咁會增加打工仔無奈及無力感,令佢知難而退走人。

6. 同事同你保持距離

原本同同事關係唔錯,間唔中有傾有講。萬一同事(唔止一個)突然間同你保持距離,得返公事上嘅交流,仲要係一句起兩句止,有可能係老細嘅指示,故意令你感到被排斥,做得唔開心而走。


資料來源:Forbes

我哋啱啱出咗手機app呀~方便各位IT人搵工,快啲撳下面條link download啦!

Download: https://sickleavetmr.com/web/download-app/

立即Follow我哋,搶先收睇各類文章!

Instagram: https://www.instagram.com/sickleavetmr_official/

Facebook: https://www.facebook.com/sickleavetomorrow/

各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!

Read These

936

為人類每日慳500年|Cloudflare出Turnstile取代CAPTCHA

相信大家都知Captcha 係一個用嚟辨識網站造訪者係真實人類定機器人嘅驗證工具,要求造訪者輸入網頁...
03 Oct 2022 936

4,021

打工仔遞咗辭職信對方話冇收到|但係聽日就last day…

有位打工仔喺網上發文就話,自己原公司離職需要2個月前通知,聽日就係last day,點知經理話冇收過...
30 Sep 2022 4,021

3,912

打工仔嚴選「十大戇居職場文化」睇吓你認唔認同?

有打工仔琴日就喺連登討論區發文話列出「十大戇居職場文化」,當中包括開會、返工返5日半等等,引起網民熱...
30 Sep 2022 3,912