3,009

7個應該辭職嘅徵兆|Bob林盛斌:中咗5個就要考慮走

大家有冇試過返工返到力不從心,好似點樣個人都唔係好開心,又唔想返工?依啲可能係要辭職嘅徵兆!林盛斌(阿Bob)近日就喺Youtube頻道「Bobtivation」分享7個應該辭職嘅徵兆,如果你發現自己中咗5個或以就應該要考慮下。

 

7個應該辭職嘅徵兆

喺《七個徵兆證明你應該辭職》影片中,阿Bob提到有報道指近80%人都唔太鍾意自己嘅工作,之後佢就分享7個應該辭職或轉工嘅徵兆,更指中5個就真係要認真考慮。

1. 花好多時間投訴工作際遇
2. 起身後唔肯返工
3. 工作效率低 對工作失去熱誠
4. 感受到自己隨時被解僱
5. 發現自己工作遇樽頸位
6. 環境太舒適
7. 公司唔尊重你

 

1. 花好多時間投訴工作際遇

當放工之後,仲好多時間向身邊人投訴公司、老闆同同事。Bob指出不停投訴、抱怨同埋怨,然後再將依啲「負能量」帶返屋企並每次都向身邊人呻依啲負面嘢,就係第一個應該辭職嘅徵兆了。

 

2. 起身後唔肯返工

Bob指打工仔每朝早起身嗰陣都唔想返工,又指出有啲人特別到咗星期三嗰陣就會失去動力,覺得仲有兩日先撐到星期六、日。佢喺片段中形容依啲朋友「為咗放假而去做嘢」。但去到星期一朝早又唔想面對工作,咁樣就係第二個應該辭職徵兆。

 

3. 工作效率低 對工作失去熱誠

第三個係發現自己工作效率低,並對工作失去熱誠。簡單而言,如果喺工作期間每10-15分鐘就碌一次Facebook、IG等就係時候考慮「是否要轉換新的跑道?」

 

4. 感受到自己隨時被解僱

Bob解釋指可能係你嘅公司近期裁員或者係架構重組,公司規模變得愈嚟愈細等。佢指唔需要過份在意,因為有機會只係公司並唔適合自己,或者唔能夠發揮所長等。

Bob就提醒可以諗下,如果自己都發現公司似乎冇太大發展空間,搞到覺得被解僱只係遲早問題,咁就可以辭職,亦都可以同新僱主解釋自己並唔係被解僱而係想搵更好嘅出路以顯上進心。

 

5. 發現自己工作遇樽頸位

第五個就係發現自己處於一個「樽頸」位置,感到無助。Bob指出如果目前嘅工作令自己提唔起興趣或好似做嚟做去都係差不多咁,咁就係工作上嘅樽頸位置。如果已經嘗試好努力咁去改善,但事情仍然係一樣嘅話,咁就係一個要轉工嘅徵兆。

 

6. 環境太舒適

Bob指出當人處於一個工作環境比較長時間嗰陣,就會不自覺走入舒適圈。長期逗留喺圈入面就會令人「原地踏步」。因此要問自己「係咪想繼續舒適咁頹廢20-30年?」。如果唔係,Bob就指要明白太舒服、太舒適其實都係一個應該辭職徵兆。

 

7. 公司唔尊重你

最後亦係最重要嘅。假若公司或上司並冇重視自己或珍惜你嘅才華同付出等,簡單嚟講,公司或上司有冇令自己視野擴闊咗?Bob提到如果自己已喺公司做咗一段時間,但發現上司或老闆都冇令自己變得更好嗰陣,就係一個問題。

Bob喺影片中提到,可能會有人指自己要養家轉唔到工或辭職。佢指如果而家做緊一份自己討厭、做得唔開心、冇前途同前景嘅工,又點樣做到照顧家人依個義務同責任呢?又指出如果可以轉換環境,好好發揮所長嘅話,家人會更開心。


資料來源:Bobtivation 林盛斌

我哋啱啱出咗手機app呀~方便各位IT人搵工,快啲撳下面條link download啦!

Download: https://sickleavetmr.com/web/download-app/

立即Follow我哋,搶先收睇各類文章!

Instagram: https://www.instagram.com/sickleavetmr_official/

Facebook: https://www.facebook.com/sickleavetomorrow/

各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!

Read These

76,083

冒名頂替症候群:我們都是成功的騙子嗎?

成功,是每個人都追求的目標,無論是在事業、學術、藝術,抑或是個人生活的各個方面。然而,在成功的背後,...
07 Mar 2024 76,083

80,049

調查公布「返工扮忙」國家排名,3甲全屬亞洲國家?!

職場生存之道係努力地儘快做完手頭上嘅工作,定係將工作拖到最後一刻,等老細覺得你好忙,就唔會增加你嘅工...
29 Feb 2024 80,049

84,643

見工被問「有冇睇過公司網站?」求職者驚覺原來係「陷阱題」?!

第一印象對求職者嚟講非常重要,除咗外表要整潔醒目之餘,答題亦要正中要點。如果於面試過程中唔打醒十二分...
26 Feb 2024 84,643