1,819

職場上好需要依種老闆?拆解依種好老闆嘅3個特質!!

顧問公司Gartner嘅研究部經理Caitlin Duffy表示,自 Covid-19 開始以嚟,喺屋企同返工都不斷增加焦慮同壓力,意味著「員工比起以往更需要老闆嘅同理心同靈活性,因為疫情令佢哋個人生活同工作生活融合埋一齊。」

 

Gartner就住打工仔對佢哋經理嘅期望進行咗項研究,睇返唔同嘅學術文章、採訪咗幾千名打工仔後,Gartner發現關鍵就係「Human Leadership」嘅概念。依個詞語描述咗通過表現出同理心嚟領導嘅老闆,佢哋仲可以適應員工嘅獨特需求,去創造一個更快樂、更高效率嘅職場環境。不過依種類型嘅老闆係百年難得一遇。根據 Gartner 2022 年嘅一項調查,只係得約四分之一嘅員工(29%)表示佢哋嘅經理係有Human Leadership嘅特質。

 

依個係一個問題,「疫情造成咗職場上嘅永久性變化,需要「Human Leadership」嘅同理心同靈活性。 打工仔而家希望工作中嘅領導者能夠解決佢哋喺過去幾年變得更加複雜同敏感嘅所有個人需求。」Caitlin話。受益嘅唔止係打工仔。根據Gartner嘅研究,有「Human Leadership」嘅經理往往會令員工更加投入工作,從而提高整體效率。該公司發現員工嘅整體幸福感有所改善,令佢哋更有可能留喺公司而唔會轉工。

 

以下係「Human Leadership」嘅三個關鍵特質:

真誠

一個俾人表達感受嘅老闆會令打工仔喺工作上更加真實。例如,一個真誠嘅經理可能會邀請員工分享佢哋嘅新想法,或者對社會同政治事件中表達自己嘅感受。老闆可以通過首先敞開心扉嚟確保佢哋嘅員工樂於分享佢哋嘅諗法同感受。 「領導者需要首先邀請佢哋咁做,員工先能夠全心投入工作。」Caitlin話。

 

同理心

依種經理對員工嘅福利表現出真正嘅關心同尊重。作為一個善解人意嘅老闆,就係會了解員工工作上/工作外有啲咩困難,無論係好攰、心理健康問題定係家庭緊急情況。姐係好似喺職場起咗個安全罩咁俾員工講佢哋嘅私人問題或經歷。因為有時即使解決唔到問題,傾完個心都會舒服啲,只係需要一個發洩嘅渠道。

 

適應性

最後一個就係適應性,意味著成為一名為員工提供靈活性嘅經理。了解每位員工嘅獨特需求,並以適合佢哋嘅方式支持佢哋。

例如,適應性強嘅老闆可能會喺一名員工WFH時俾更多嘅靈活性,因為佢哋必須照顧病咗嘅家人。或者,如果其他員工精神疲憊,老闆可能會批准其他員工喺每個工作日多休息。就住員工嘅需要,提供合適嘅幫助,咁佢哋會覺得老闆好通情達理,鍾意依個領導方式。


資料來源:Make It

我哋啱啱出咗手機app呀~方便各位IT人搵工,快啲撳下面條link download啦!

Download: https://sickleavetmr.com/web/download-app/

立即Follow我哋,搶先收睇各類文章!

Instagram: https://www.instagram.com/sickleavetmr_official/

Facebook: https://www.facebook.com/sickleavetomorrow/

各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!

Read These

97,058

冒名頂替症候群:我們都是成功的騙子嗎?

成功,是每個人都追求的目標,無論是在事業、學術、藝術,抑或是個人生活的各個方面。然而,在成功的背後,...
07 Mar 2024 97,058

100,342

調查公布「返工扮忙」國家排名,3甲全屬亞洲國家?!

職場生存之道係努力地儘快做完手頭上嘅工作,定係將工作拖到最後一刻,等老細覺得你好忙,就唔會增加你嘅工...
29 Feb 2024 100,342

105,575

見工被問「有冇睇過公司網站?」求職者驚覺原來係「陷阱題」?!

第一印象對求職者嚟講非常重要,除咗外表要整潔醒目之餘,答題亦要正中要點。如果於面試過程中唔打醒十二分...
26 Feb 2024 105,575