金管局旗下電子支付平台「轉數快」推出咗就快有4年，轉數快（FPS）唔止可以日常生活轉數，亦可向商戶繳付帳單。金管局透露計劃將FPS接通外國付款系統，當中包括同泰國嘅快速支付系統「PromptPay」接通，同埋同中國合作測試數碼人民幣，希望為市民帶來方便同為業界開拓更多嘅發展機遇。
金管局副總裁李達志喺官方網站《匯思》表示，「轉數快」在本港漸趨成熟，希望可以突破只可以喺香港使用嘅框框，利用24小時無間斷運作及即時支付嘅優勢進行跨境支付，打破地域界限。金管局正研究點樣透過同其他地方嘅電子支付系統互聯，令香港人喺外地旅遊熱點直接通過「轉數快」進行支付。當局正同泰國央行合作，探討等香港居民喺泰國都可以用FPS支付，同埋俾泰國旅客喺香港都可以用當地嘅快速支付系統「PromptPay」。
此外，FPS亦將會同「中國人民銀行數字貨幣研究所」（數研所）合作測試數碼人民幣，提升跨境支付服務效率同用戶體驗。新功能下嘅「轉數快」將具備數碼人民幣錢包增值服務，而參與嘅銀行數量亦由第一階段嘅一間，增加至現時第二階段嘅四間。當局將會引入更多數碼人民幣運營機構同香港本地銀行參與測試，以便香港居民將來喺中國用數碼人民幣。
資料來源：金管局
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
