4,917

打颱風要上班?好僱主應該如何安排?|一文睇清 《惡劣天氣下職場指引》

每當有惡劣天氣,HR嘅手提電話就會畀人瘋狂轟炸,老細會打嚟、同事會打嚟⋯⋯唔想下下麻煩人哋,自己清楚晒有關守則就最好啦!以下,就係小編為咁多位打工仔整理好嘅——惡劣天氣下職場安排指引Q&A,等大家到時唔使驚青青!

 

勞工處《颱風及暴雨警告下工作守則》制訂原則

僱主應該以員工的安全和從居住地點往返工作地點的可行性作首要考慮,訂明在惡劣天氣或超強颱風後的「極端情況」下,僱員上班、下班、復工及在家工作的安排。如黑色暴雨警告、八號或以上颱風警告(惡劣天氣)生效,僱主在考慮行業性質、機構運作需要及服務的逼切性後,僱主應只要求絕對必需的員工返回工作地點上班。在守則以個人安全為先的原則下,如留在家中並不影響安全,則颱風下在家工作並沒有違反守則。

但要注意!勞工處呢份守則只係建議大家參考,並唔係法例。

 

法例有冇「風假」?
根據現行法例,並「冇」直接禁止僱主係惡劣天氣下安排員工返工。打風放假呢個做法只係約定俗成,並唔係法定權利。

 

邊啲情況要如常返工?
根據勞工處指引,一般情況下,當三號或以下颱風警告、黃色或紅色暴雨警告生效,如公共交通工具維持服務,通常都應如常工作。
但即使惡劣天氣生效,一啲基本服務,例如公共交通、公用事業、醫療服務、酒店及保安等,仍需維持正常運作,因此員工要唔要返工要視乎僱主嘅安排。

 

惡劣天氣返唔返工好?
呢方面要視乎勞資雙方點樣協定。
勞工處建議:
返工前發出惡劣天氣,為員工嘅安全着想,僱主唔應該要求員工返工,除非有事先協定工作安排。如員工返工有困難,要盡快通知公司。如行業性質須要係惡劣天氣下工作,僱主就需要盡量將當值人數減至最少,只要求必需嘅人員返工。

 

返咗工可唔可以早走?
如果天文台喺返工期間發出惡劣天氣警告,而打工仔已經到達工作地點,除非會有危險或者係戶外,否則各位都要如常工作。而係戶外及空曠地方工作嘅員工,就要暫停所有戶外工作,到安全嘅地方暫避,直至警告取消後或天氣情況許可先至恢復工作。


預告有惡劣天氣,返緊工點算好?
為方便公司安排,通常天文台會預先公佈幾時會發出惡劣天氣警告。除咗必要人士要繼續工作,應安排其他員工分批離開公司。

為確保員工安全,以下人士應優先獲准收工:
1.    懷孕及肢體傷殘等行動不便人士
2.    由於某啲交通工具嘅服務較易受惡劣天氣影響,依靠呢啲交通工具(如船)往還嘅員工
3.    返家路程上可能遇到較大困難(如居住於偏遠地區)嘅員工

至於其他員工,應按佢地返屋企嘅距離同埋時間,分批安排收工。如遇上天氣情況極度惡劣,應允許佢地留係工作地點內,直至天氣情況有所改善為止。

 

遲到或返唔到工,要扣人工?
僱主應彈性處理,如容許返回工作崗位有困難嘅員工有寬裕嘅返工時間。
勞資雙方如果無就惡劣天氣事先訂明工作安排協議,期間員工若因惡劣天氣或因不受控制嘅因素而影響返工,僱主應體諒員工。如員工解釋合理,唔應該扣人工,勤工獎都唔應該受影響。

 

遲到或返唔到工,可唔可以處分或解僱佢地?
在天氣惡劣或「極端情况」下,員工因有實際困難未能返工或準時返工,僱主唔應該以此理由處分或解僱該名員工。

 

員工返工或回家途中發生意外或死亡,有無保障?
係惡劣天氣生效期間,如員工係「他該日的工作時間開始前四小時內,以直接路線由其居所前往其工作地點途中,或在他該日的工作時間終止後四小時內,由其工作地點前往其居所途中遭遇意外受傷或死亡」一律被視作受僱期間因工遭遇意外而引致,僱主必須負起《僱員補償條例》嘅補償責任。

 


惡劣天氣取消後,僱員又要幾點返回公司開工?

勞工處守則建議如果惡劣天氣取消時間距離收工時間唔夠3個鐘,就唔使返公司,否則各位打工仔要喺惡劣天氣取消後3個鐘內返到公司。但係僱主應體諒員工嘅情況彈性處理,如容許返回工作崗位有困難嘅員工在家工作,或安排寬裕嘅返工時間。

僱主應該預早定好惡劣天氣幾時發出或取消就唔使返工,或者復工。例如收工時間為下午6點,若惡劣天氣係中午12點前取消,僱員就要取消後幾多個鐘內返回工作崗位,喺12點後取消便唔使返。但都要考慮實際情況,例如員工居住地點嘅交通恢復咗未、有關嘅交通及道路情況等。

 

用年假、法定假日及休息日來補償因惡劣天氣而損失嘅工作時間?
有員工曾表示公司與員工簽訂合約條款,打風停業會當成員工休息日。

如僱主減少員工有權享有嘅年假、法定假日及休息日,以補償因發出8號或以上颱風警告或黑色暴雨警告而損失嘅工作時間,即屬違法,一經定罪,最高罰款5萬元。但如員工已預先申請年假,卻因突然打風而想銷假又可唔可以?呢方面就要由視乎公司個別政策喇。

 

可唔可以在家工作(WFH)?
WFH因近年嘅疫情而變得普及,唔少打工仔都疑惑:僱主可唔可以要求員工WFH?

根據勞工署指引,僱主係可以按需要而要求員工WFH。另一方面,《職業安全及健康條例》訂明僱主有責任為員工提供安全嘅工作環境。如果打工仔有合理證明家中唔安全,僱主就唔應該要求僱員繼續WFH。所以僱主應該要同員工係事前協定,惡劣天氣下可唔可以WFH啦。勞工署亦建議僱主預早因應公司運作模式及職位嘅工作性質,評估係惡劣天氣下,係咪可以容許員工WFH。

 

如冇WFH政策,可參考以下因素作安排:

  • 諮詢員工和考慮個別僱員的需要,以及在執行時與僱員保持溝通
  • 於在家工作期間,僱主如何與僱員聯繫及作出督導
  • 僱員家中是否備有處理職務所需的設備
  • 僱員的工作是否需要處理敏感或機密資料及文件,以及相關的處理程序及保安措施
  • 審視執行在家工作的安排及配套設施
  • 確保履行在《僱傭條例》、《職業安全及健康條例》、《僱員補償條例》及《最低工資條例》下的法定責任及遵守相關的規定。

 

(文章內容和資料只供一般參考用途,有關資料的準確性和可靠性根據政府提供最新頒布的條例為準,本公司不代表任何法律意見。)

 

想知點樣合法、正確編寫《僱員守則》?即睇呢到!

 

 

 


Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l

Download SICK LEAVE TOMORROW application:
https://sickleavetmr.com/web/download-app/
Read These

77,486

冒名頂替症候群:我們都是成功的騙子嗎?

成功,是每個人都追求的目標,無論是在事業、學術、藝術,抑或是個人生活的各個方面。然而,在成功的背後,...
07 Mar 2024 77,486

81,432

調查公布「返工扮忙」國家排名,3甲全屬亞洲國家?!

職場生存之道係努力地儘快做完手頭上嘅工作,定係將工作拖到最後一刻,等老細覺得你好忙,就唔會增加你嘅工...
29 Feb 2024 81,432

86,048

見工被問「有冇睇過公司網站?」求職者驚覺原來係「陷阱題」?!

第一印象對求職者嚟講非常重要,除咗外表要整潔醒目之餘,答題亦要正中要點。如果於面試過程中唔打醒十二分...
26 Feb 2024 86,048