「活學活用」（不過瀨嘢）嘅活生生例子！中國一名修讀人工智能（AI）嘅研究生喺就讀期間，涉嫌盜用全校學生嘅個人資料，並開發「顏值評分網」！其他人可以透過網站睇到該校學生嘅個人資料同相片，甚至為佢哋嘅外貌評分。消息傳出後，中國警方立刻介入調查，涉事人士現已被捕。
有中國網友喺7月1日爆料，指一名中國人民大學碩士畢業生喺就讀期間，盜用咗全校所有學生嘅姓名、相片、生日、學生編號等資料，然後寫咗一個「顏值評分網」，其他人可以為女學生嘅外貌進行評分。網上流傳嘅畫面截圖顯示，涉事人士曾經喺2020年10月於自己嘅社交媒體帳戶公開呢個網站，但而家相關內容已被刪除。
消息傳出後，中國人民大學於7月2日發表聲明，表示校方極度重視事件，並會全力配合警方調查。之後，中國北京警方喺7月4日證實逮捕咗一名25歲男子，並表示男子涉嫌非法取得人民大學學生個人訊息。
用AI雖然可以提高工作效率同生產力，但係唔可以做犯法嘢㗎！用AI、ChatGPT做公司嘢以為好平常？其實暗藏重大法律隱憂，包括道德、隱私同侵犯版權等問題！身為僱主、HR，一定要好好管理、限制員工正確運用AI！延伸閱讀：https://bit.ly/42jLtmG。
