「你今個月再請病假嘅話我當你自己辭職！」
「我哋係唔接受中醫出嘅病假紙㗎！」
「每遲到10分鐘，人工扣$100，曠工扣$1000！」
「你請假嘅話，除咗扣人工之外，仲要負責埋「替假同事」嘅人工！」
類似以上咁「九唔搭八」嘅合約條款例子，大家又有冇簽過呢？如果簽咗，係咪就當條款生效、一定要跟足呢？
牴觸《僱傭條例》 即屬無效
《僱傭條例》第70條規定：任何僱用條款，如牴觸或減少《僱傭條例》所賦予僱員的權利、保障等，即屬無效。
– 份合約寫咗就一定要跟！你今個月再請病假嘅話我當你自己辭職！
根據《僱傭條例》，僱員按法例出示相關證明文件，便可放取病假。而僱主無權要求僱員帶病上班，亦不能就員工放病假而視為自動離職。
– 我哋係唔接受中醫出嘅病假紙㗎！
根據《僱傭條例》第33條(5)(a)，「註冊醫生、註冊中醫或註冊牙醫簽發醫生證明書認為僱員在該日不適宜工作……」。如果公司在合約條款列明不接受中醫的醫生紙，該條款已牴觸了法例，即視為無效。
– 每遲到10分鐘，人工扣$100，曠工扣$1000！
根據《僱傭條例》第32條(2)(a)，僱主可以在僱員缺勤的情況扣除工資，但只能扣除實際缺勤時間的工資。
– 你請假嘅話，除咗扣人工之外，仲要負責埋「替假同事」嘅人工！
《僱傭條例》有規定的扣薪準則，可扣除工資的情況有：
1. 僱主可因僱員缺勤而扣除工資；
2. 僱主在每一件事中扣除僱員工資不得超過300元；
3. 僱員在任何一個工資期內被扣除的款項，不得超過他就該工資期須獲付給的工資的1/4。
扣日薪不犯法，不過如果要求員工因請病假而賠償營運損失，又或需要員工自掏荷包聘請替工，則便是觸犯法例。
身為打工仔，一定要清楚同埋維護自己該擁有嘅權益！有其他疑問，歡迎嚟搵我哋Sick Leave Tomorrow幫你解答～
