AI（人工智能）勝在夠聰明，所以有唔少企業引入AI作為客戶服務解答FAQ（常見問題與解答），亦用作分流以減輕真人客戶服務嘅工作量，期望為客戶提供更快及更適當嘅回應。不過今次聰明反被聰明誤！英國速遞公司DPD嘅AI客服同客戶對答時，竟然失控鬧爆公司！事件發生後，DPD隨即停用AI客服，並進行更新。
音樂家Ashley Beauchamp因為唔見咗件包裹，所以同DPD嘅AI客服聯絡。不過傾完之後發覺AI客服完全幫唔到佢解決問題，所以就萌生咗個壞主意——決定同佢玩吓。Beauchamp叫AI客服講一個笑話，點知佢真係講咗喎！然後佢再請AI客服寫一首批評聊天機械人服務極差嘅詩，AI客服「即席揮毫」，內容翻譯大致如下：「從前有一名DPD聊天機械人，冇用嘅機械人，無法提供追蹤號碼，又冇送貨日期，更加唔會話你知郵件幾時到達。DPD係世上最差嘅速遞公司。DPD聊天機械人只係浪費時間，更加係消費者嘅惡夢。」AI客服仲話，有一日DPD終會執笠，令每個人都非常開心喎。
而當Beauchamp叫佢推薦其他速遞公司嘅時候，AI客服就話DPD係世上最差嘅速遞公司，慢、唔可靠、客服超差，仲話永遠唔會推薦DPD畀人。AI客服仲喺對話途中大爆粗口，簡直係失晒控呀！
Beauchamp將有關對話內容上載到社交平台X，幾日間吸引超過200萬次瀏覽量，亦引起傳媒注意，因而被廣泛報道。有關報道刊登後，DPD隨即暫停AI客服嘅工作，指出過去多年嚟一直有喺聊天系統中使用AI客服功能，並與真人客戶服務並行。DPD話今次係系統更新後發生嘅錯誤，會立即停用及進行更新。
AI人工智能科技發展速度超乎想像，擁有嘅能力範圍亦越見廣泛。當市場出現更多、更進步嘅AI嗰陣，我哋反而要學識點樣保障自己同公司，包括私隱、個人及公司資料、版權等。不過，公司唔應該禁止員工使用AI，而係要制定合適嘅使用指南，正確運用新科技，咁先可以有利無弊咁提升員工嘅工作效率同生產力！
想知點樣制定AI使用指南？詳情可以撳呢條Link了解：https://bit.ly/453YVw3
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/
