早前向大家總結咗「2023十大熱搜AI人工智能關鍵字排行榜」，介紹咗上年最多人Search嘅AI關鍵字有邊啲。而今次就同大家講吓「2023全球十大職場熱詞」，了解一下2023年全球員工普遍想得到嘅嘢、有咩職場趨勢，同埋最新嘅職場流行。
| 職場熱詞 | 解釋／來源 |
| 懶女孩工作（Lazy Girl Job） | 5月下旬，影片創作者Gabrielle Judge提出咗「懶女孩工作」概念：一份時間有彈性、收入豐厚、壓力相對較小嘅工作，其追求嘅係Work-Life Balance，兼顧身心健康嘅發展。 延伸閱讀 |
| 罷工之夏（Summer of Strikes） | 2月，英國衞生工作者舉行咗英國醫療歷史上規模最大嘅罷工。與此同時，截至8月底，美國嘅醫療、娛樂、汽車及酒店領域就有30多萬工人罷工。截至10月31日，美國發生咗354次罷工活動，涉及約49.2萬名工人。呢波罷工潮雖然不僅限於天氣溫暖月份，但「罷工之夏」好快就成為人人談論嘅熱詞。 |
| 真實（Authentic） | 11月下旬，韋氏詞典（Webster’s Dictionary）將「真實」（Authentic）定為2023年年度詞彙。出版商表示，年度詞彙嘅評選雖然唔係特別關注職場術語，不過，我哋嘅工作環境其實已經對「真實」抱有好大程度嘅渴望。 |
| 極簡星期一（Bare Minimum Monday） | 2023年，社交媒體用戶Marisa Jo Mayes提出咗一種方法去醫好「周日恐懼症」（Sunday Scaries）——周末休息後重返工作崗位前一天嘅消沉感。佢鼓勵員工喺星期一只完成工作嘅最低要求，透過降低期望以減少工作壓力。呢個詞反映咗一種新嘅工作情緒，即對混合工作安排嘅需求，同時表現出員工對Work-Life Balance嘅渴望。 |
| 咖啡打卡（Coffee Badging） | 唔願意結束在家工作（Work From Home）嘅員工，會為咗滿足公司嘅出勤要求，選擇返公司坐一陣、飲杯咖啡、同同事吹水，歎完咖啡之後就自行返屋企WFH。 延伸閱讀 |
| 秘密旅行（Hush Trips） | 一啲可以Work From Home嘅員工會偷偷哋去旅行，同時遠端工作處理事務，以最大限度平衡工作同生活。 |
| 留任潮 | 根據經濟學家嘅說法，過去3年流動性嘅「離職潮」已經結束。而家，數據指向「留任潮」現象，即工人留喺原工作單位，以避開競爭日益激烈嘅勞動力市場及對經濟不穩定嘅擔憂。 |
| 性格應聘 | 有社交媒體用戶將「性格應聘」定義為，求職時用某種活力去彌補自己嘅專業不足，而僱主可能會優先考慮態度積極、友善嘅求職者，因而獲聘。例如情商高嘅員工可以促進溝通，提高團隊嘅生產力，並有助於建立社交聯繫感等。 |
| 滾動衰退 | 「滾動衰退」有時被稱為「滾動調整衰退」，發生喺經濟衰退只影響某啲經濟部門嘅情況下。例如，儘管科技行業裁員係2023年上半年嘅主要話題，但包括汽車同製造業在內嘅其他行業已經開始受影響。 |
| #工作短片 | 唔少職場術語都有一個共通點：佢哋起源或傳播於「#工作短片」標籤下，係社交媒體致力於展現工作場所文化嘅一面。呢個標籤至少有23億點擊量，涵蓋咗從專業糕點師嘅生活到人力資源實踐嘅各方面。專家表示，呢個詞之所以興起，係因為越嚟越多人喺社交媒體上獲取新聞或新資訊，而「#工作短片」則為大量打工仔，尤其係年輕人，提供咗「茶水間談話」（Pantry Talks）嘅話題來源。 |
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/
