11,223

最新職場趨勢「咖啡打卡」、「懶女孩工作」!你或者你身邊有冇人咁樣做?

繼「安靜離職」、「大聲離職」後,最近又出現咗新嘅職場趨勢「咖啡打卡」同「懶女孩工作」,都係關於打工仔對工作嘅態度取向。究竟呢兩個新名詞係咩意思?

 

「咖啡打卡」(Coffee Badging):唔願意結束在家工作(Work From Home)嘅員工,會為咗滿足公司嘅出勤要求,選擇返公司坐一陣、飲杯咖啡、同同事吹水,歎完咖啡之後就自行返屋企WFH。

Covid-19疫情令WFH呢個工作模式變得普及,直至最近疫情緩和,先開始回復正常。所以越嚟越多科技公司要求員工重回辦公室工作,唔再WFH,而唔願意咁做嘅員工就會「係咁意」返一返公司飲杯嘢、蒲一蒲頭,就好似到此一遊影相打卡咁,然後就返屋企WFH。視訊會議設備公司Owl Labs嘅調查指出,多達58%嘅混合辦公員工承認有「咖啡打卡」行為,另有8%員工表示雖然冇做過,但有意嘗試。

開始咗WFH後,員工好容易會將在家工作同辦公室工作嘅成本作出比較。Owl Labs提到,喺美國,員工喺辦公室工作嘅成本係平均每日51美元,即每個月會用多超過1,000美元;同時每日需要用1小時以上時間通勤。

《華爾街日報》指出,Meta、Google、亞馬遜等科技巨頭都開始透過打卡資料,或者更嚴格嘅手段去確認員工留喺公司嘅時間,唔單止知道員工幾點入Office,仲可以透過監控員工使用印表機、進入其他樓層嘅情況去得知員工有冇喺公司辦公。

 

「懶女孩工作」(Lazy Girl Job):一份「錢多、工作少、較為自由」嘅夢幻工作

一份安全、彈性返工放工、可以WFH、冇OT、冇上司監督、有時間發展副業,加上收入唔錯嘅工作,就係「懶女孩工作」。呢種工作狀態,同過去以事業為重、希望升官發財嘅思維大相逕庭;「懶女孩工作」追求嘅係Work-Life Balance,兼顧身心健康嘅發展。

提出呢個前衛思想嘅人,係一位26歲嘅影片創作者Gabrielle Judge,佢解釋呢個趨勢並唔係想人做嘢偷懶,而係形容工作能與生活達到完美平衡,以致於感覺工作就好似喺到偷懶一樣咁舒服。

職場專家Michelle King表示,「懶女孩工作」係員工抵制有毒職場文化嘅體現,同時反映出Z世代嘅工作價值觀係比起成為工作狂、追求事業嘅成功,佢哋更在乎生活品質,而「懶女孩工作」就係實踐嘅方式之一。

 

你對「咖啡打卡」「懶女孩工作」呢兩個職場趨勢又有咩睇法呢?

 

 


Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l

Download SICK LEAVE TOMORROW application:
https://sickleavetmr.com/web/download-app/

 

Read These

104,606

冒名頂替症候群:我們都是成功的騙子嗎?

成功,是每個人都追求的目標,無論是在事業、學術、藝術,抑或是個人生活的各個方面。然而,在成功的背後,...
07 Mar 2024 104,606

107,573

調查公布「返工扮忙」國家排名,3甲全屬亞洲國家?!

職場生存之道係努力地儘快做完手頭上嘅工作,定係將工作拖到最後一刻,等老細覺得你好忙,就唔會增加你嘅工...
29 Feb 2024 107,573

113,107

見工被問「有冇睇過公司網站?」求職者驚覺原來係「陷阱題」?!

第一印象對求職者嚟講非常重要,除咗外表要整潔醒目之餘,答題亦要正中要點。如果於面試過程中唔打醒十二分...
26 Feb 2024 113,107