前排Elon Musk要求Tesla員工由WFH轉返要實體返工就大家都知啦，如果唔肯就會炒咗佢哋咁話喎。咁一班員為保飯碗，硬住頭皮都要返公司啦，點知就遇到好多問題搞到佢哋返唔到工，到底係咩事呢？
Elon Musk急急腳咁要求員工返公司，但係Tesla喺Fremont嘅最高生產力工廠又完全未準備好啊。員工報串俾The Information嘅記者知，公司嘅招聘激增同埋辦公室嘅部分改造導致空間擁擠，Tesla日益縮減嘅人力資源部門缺乏溝通只會加劇依個問題。
公司嘅停車場已經迫爆，員工返去被迫要泊喺當地嘅中轉站，COVID前嘅問題又出現返。員工幾經辛苦返到辦公室後，有啲人發現冇枱俾佢哋做嘢，亦都冇足夠穩定嘅 Wi-Fi 去做嘢。佢哋話，有啲部門嘅經理通知佢哋依幾日Work From Home，因為冇足夠嘅枱。
之前Elon Musk明確表達咗佢對遠程工作嘅立場，當時一系列洩露嘅電子郵件顯示，佢要求公司每個人至少喺辦公室工作 40 小時（一個完整嘅工作週）。佢話佢喺特斯拉工廠嘅存在係導致公司成功嘅原因，並補充話佢假設唔返辦公室嘅工人已經辭職。而家辦公室嘅情況係咁，又要迫人返嚟，其實真係大大降低工作效率。
資料來源：Fortune
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
