無良公司剝削員工嘅手法真係層出不窮！有網民喺討論區爆料，指佢返緊炒散嘅公司對員工提出多項無理要求，例如即日請假要賠償相等於一日人工嘅代通知金、遲到扣人工等。公司仲行「連坐法」機制，如果其中一位同事遲到，其他同事都要齊齊扣人工！公司咁樣做，又有冇違反《僱傭條例》呢？
樓主表示，佢之前喺一間公司做炒散，僱主將員工編更同出糧事宜外判，而近日僱主更換外判公司，新公司一接手就大幅更改對員工嘅出勤要求。
第一，員工必須於返工時間前提早10至15分鐘打卡。遲到10分鐘，扣1個鐘人工；遲到3個鐘或以上，扣半日人工。而且，公司有「連坐法」機制，如果其中一位同事遲到，嗰日返工嘅所有員工都要一齊受罰扣人工！
第二，唔接受員工即日請假。公司只容許員工提供當日醫生紙請病假，或者即刻搵到朋友代返工，否則會自動扣除相等於一日人工嘅$540，作為「代通知金」。簡單嚟講，即係會冇咗當日人工之餘，仲要倒貼一日人工。
第三，出糧方面，公司表明會於工作月份之後1個月嘅25號先出糧，即係1月嘅薪金會喺2月25號先收到，樓主質疑以上安排已屬「拖糧」！
外判公司有機會已經犯法，唔少網民都建議樓主向勞工處查詢同反映！其實有好多公司都採取「遲到扣人工」機制，究竟《僱傭條例》許唔許可？即睇詳細解說：https://bit.ly/46HwQeZ
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/
