曾多次公開批評ChatGPT同OpenAI淪為Microsoft嘅賺錢工具嘅馬斯克,近日透過同Fox News嘅專訪透露,佢已成立全新AI公司「X.AI」,並爆料已開始研發名為「TruthGPT」嘅AI系統。佢聲稱,TruthGPT會係一款能夠理解宇宙,並不會消滅人類嘅AI。
Elon Musk指,「X.AI」會訓練「TruthGPT」成為一個對探索宇宙嘅奧秘有興趣嘅AI機械人,會盡力追求真理,嘗試理解宇宙嘅本質,亦強調「不太可能消滅人類」。但TruthGPT相關嘅功能、特色,Elon Musk並冇進一步詳細說明。
Tucker Carlson喺節目中指出, Elon Musk當初資助OpenAI開發ChatGPT係為咗「控制 ChatGPT」,但OpenAI違背咗初心。專訪中Elon Musk強調AI會因為研究員嘅取向而影響大眾接觸到嘅資訊,更擔心當中會涉及假資訊嘅陰謀,姐係ChatGPT就會以一種唔誠實嘅方式控制咗人類對現實嘅理解。同時佢亦補充:「AI比保養不善嘅飛機或設計差嘅汽車更加危險,因為AI具有好大潛力。如果管理不當,AI將會對整個人類文明產生災難性影響。」所以AI幫手還幫手,佢哋提供嘅答案唔一定啱,各位用家都要自行查證咗先好相信。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!