自從疫情嘅開始，職場上就有好多新嘅趨勢，除咗「安靜離職」、「大辭職潮」之外，其實仲有好多職場趨勢熱門詞！作為打工仔嘅你點可以唔了解晒各種意思，今日小編為大家介紹8個熱門職場趨勢詞，幫大家了解多啲之外仲可以睇下有冇邊個符合你自己～
職場趨勢1：最低限度星期一（Bare Minimum Monday）
有啲似「安靜離職」（quiet quitting）嘅衍生版本，但只限於每星期嘅第一個工作天。意思就係喺Blue Monday嘅日子都只做最低限度嘅工作，以應對每星期第一個工作日嘅憂鬱心情。創業家建議星期一嘅上午都可以試下放鬆，可以係沖杯咖啡、睇下書休息下，下晝先開始回覆電郵等公事，重點就係唔好為自己設下太大壓力嘅目標，以緊繃嘅心態面對可能做唔完嘅事務。
職場趨勢2：安靜解雇（Quiet Firing）
有啲人視之為雇主們對付「安靜離職」者嘅手段。亦就係透過忽視員工成長空間、令員工感覺不被需要，甚至係交低刁難嘅任務，等員工自行離職，藉此擺脫表現不符預期嘅員工，或者係縮減人事成本。具體嘅做法包括增加工作量、縮減工時同人工，唔再派新任務或新項目，或者係將員工調至唔符合其專業嘅新部門等。有時「安靜解雇」可能並非有意，如管理不良嘅組織都有可能逼走員工另尋發展。
職場趨勢3：安靜招聘（Quiet Hiring）
安靜招聘指嘅係透過給予現有員工「提升技能嘅機會」，擴大員工現有職務範圍，或以外判、合約制等途徑，完成公司項目，避免聘用一名全新嘅全職員工。具體做法包括唔會補上現有空缺、將職務分配到其他員工身上，增加員工嘅頭銜以擴大工作範圍等。
職場趨勢4：模仿裁員（Copycat Layoffs）
由2022年尾到而家，傳出多次大規模裁員，包括微軟、Google、Zoom、Amazon等等。但其實不得不裁嘅有幾多？史丹佛大學商學研究所嘅組織行為學教授Jeffrey Pfeffer認為，而家好多公司裁員同人類模仿他人行為嘅心理有關。即便經濟前景不佳，解聘員工本身係高成本嘅事。隨著經濟起伏，未來可能仲要再請新人，新員工嘅人工都唔一定比較低。企業如果可以對自己嘅成長計劃有長期性規劃，就可以慳返依筆來來去去嘅人事成本。
職場趨勢5：職涯緩衝（Career Cushioning）
喺裁員潮、經濟下行底下，在職員工們產生危機感，開始整理CV，提升技能，留意其他工作機會，甚至係開展副業。依啲喺現有工作外準備「Plan B」被稱為「職涯緩衝」。專家建議，新建立嘅技能可以同主要專業領域互補，如產品經理將可獲益於UI、UX嘅技能。另外，同其他領域嘅同事及朋友保持聯繫，了解職場變化都好重要。
職場趨勢6：猛烈應徵（Rage Applying）
喺現有工作感到唔開心或受到挫折，進而化悲憤為動力，大量投交CV搵新出路，被稱為「猛烈應徵」。有啲實例顯示，有啲人真係喺短時間內就搵到更高薪嘅工作。專家分析，依種作法有其風險。未經思索就投嘅職缺可能唔適合你，或者係具有同現職類似嘅問題。例如，新工可能同樣有伏爆同事，或者係將情緒轉嫁到員工身上嘅上司。但猛烈應徵都有啲好處。求職者可以同時接觸好多新機會，其中可能包括過去冇諗過嘅職缺。喺過程中求職者通常唔會費神進行自我質疑，話唔定會因此獲得意外嘅好職位。
職場趨勢7：轉職衝擊（Shift Shock）
同舊工say goodbye、轉份新工，但一切並非想像中咁美好。發現新工不似預期嘅心情，被稱為「轉職衝擊」（shift shock）。根據求職網站The Muse喺2022年嘅調查，2500名受訪者中，高達72％表示自己經歷過轉職衝擊。而且有8成受訪者認為，如果工作不似預期，喺6個月內離開都唔係問題。專家建議，新工不免有啲磨合期，就職者可以畀啲時間自己適應。
職場趨勢8：回力鏢員工（Boomerang Employees）
辭職後感到後悔嘅人都唔少。有啲人又返到原本嘅公司，依啲「回力鏢員工」，都係另一項「大辭職潮」後嘅職場趨勢。公司通常願意接受依啲回巢員工。佢哋已經熟悉組織文化同大部分同事，仲可能喺外面流浪嗰陣學咗新技能。但都有啲雇主認為，令依啲員工風光回歸，可能對從未離開嘅同事有不良影響。回巢員工都應理性評估，當初離職嘅主因係咪仍然成立，否則可能再度陷入同樣嘅不滿之中。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
