近幾個月AI聊天機械人已經成為全球熱話，除咗OpenAI嘅ChatGPT同Google嘅Bard之外，今日（11 日）中國阿里巴巴推出嘅語言模型「通義千問」亦正式投入服務，CEO張勇就表示阿里巴巴所有產品將加入通義千問，而釘釘、天貓精靈將率先接入通義千問測試，及後將正式發布新功能。
「通用千問」係阿里巴巴開發嘅一個超大規模嘅語言模型，其功能包括多輪對話、文案創作、邏輯推理、多模態理解同多語言支持等。佢能夠進行多輪對話，都融合咗多模態嘅知識理解，並且具有非常強嘅文案創作能力，可以續寫小說、編寫郵件等，可以極大地提高大眾嘅工作效率。
張勇喺會議上提到，阿里雲已經發展成為具有模型即服務（MaaS）、平台即服務（PaaS）和基礎設施即服務（IaaS）三層架構嘅平台。其中，模型即服務包括基礎大模型/通用大模型、企業專屬大模型、魔搭社區同API服務等。佢表示，隨著雲運算技術嘅發展，而家所有嘅雲服務都正在向「無伺服器（Serverless）」發展，阿里雲都正在努力降低運算能力嘅收費，希望喺未來智能化時代，阿里雲客戶使用模型訓練自己嘅模型同為客戶提供服務時，算力成本可以降低到今天嘅十份之一甚至係百份之一。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
