各位女士們有冇試過M痛起上嚟真係企都企唔到,好想「射波」抖下?近日內地有一位女老闆為咗體恤女員工,推出生理假制度,每位女員工每個月都有3日生理假,就連老闆生理期到嗰陣,都會俾全體員工放假3日,背後原因超暖心,得到好多網友大讚「超人性化企業」。
年輕老闆李女士表示,自從第一次嚟月經後「生理期都會痛經,食咗藥都企唔到」,深明女士經痛嘅困擾,連正常活動都有困難,根本冇辦法好好完成工作,認為「與其喺度咁難受,不如俾佢好好休息」,休息好先可以完成工作,為公司創造更高嘅價值。佢補充啱啱出嚟社會做嘢嗰陣,曾經因為痛經想請假,但不獲上司諒解,所以當佢創業嗰陣就下定決心要設立「帶薪生理假」嘅公司,更認為女生應有依個權利。
暖心原因曝光後,唔少內地網友認為李女士嘅行為十分人性化、依個制度好適合各大企業效仿,「只有女人才懂女人」、「太吸引人了,公司還缺人嗎?」、「這個必須點個讚,只有經歷過的人,才懂得其中的痛啊」、「我跟這個老闆一樣,痛經痛到懷疑人生,還會上吐下瀉,站不住,出冷汗」、「是男性無法理解的疼痛」;不過亦有人認為生理假唔應該被廣泛使用,怕會成為僱主考慮錄取與否嘅因素,令女性求職上更困難。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!