之前美國聯邦政府同歐盟相繼因為TikTok所帶來嘅國家安全威脅問題而禁止喺政府設備入面安裝TikTok。而昨日(2月27日)加拿大政府宣佈,禁止喺政府嘅裝置上安裝同使用TikTok,更表示該影音平台收集資料嘅方法會令裝置容易受到網絡攻擊。
同美國歐盟理據一樣,加拿大政府認為 TikTok 母公司屬中國公司,可能會喺中國政府要求下,將加拿大國民同居民嘅資料交出。加拿大政府發言人喺一份聲明中表示,依個決定係喺進行審查後作出嘅,TikTok 對隱私同安全構成咗不可接受嘅風險。總理 Justin Trudeau 表示:「對於 TikTok 嘅安全性存在憂慮,因此需要進行更改。依個可能只係第一步,亦可能係唯一一步。」
根據多倫多城市大學社交媒體實驗室研究人員最近嘅一項調查,大約四份之一嘅加拿大成年人都有用 TikTok。而TikTok將於今個星期喺政府嘅手機同其他設備上被刪除,並禁止喺所有政府核准嘅流動裝置下載及使用。加拿大政府就 TikTok 嘅資料收集方式作出過審核,認為 TikTok 收集過多手機內容,但又指雖然用 TikTok 嘅風險好高,但目前冇證據表明政府信息已被洩露。
TikTok 發言人喺一份聲明中表示,政府發佈嘅禁令並冇提到任何關於 TikTok 嘅具體安全問題,亦冇喺作出此決定之前聯繫 TikTok 討論任何問題。政府咁做只係阻止官員喺幾百萬加拿大人喜愛嘅平台上接觸公眾。歡迎政府官員隨時同公司會面,討論如何保護加拿大人嘅隱私同安全。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!