Meta CEO朱克伯格宣佈，將推出Meta Verified訂閱服務，用户會喺Facebook同Instagram上得到藍剔認證、防止冒名濫用身份、可以聯繫真人CS解決常見嘅帳戶問題，暫定網頁版收費為每月11.99美元（約94港元），而iOS版收費就係14.99美元（約117港元）。
Meta Verified有咩特別功能？
根據官方消息指，訂閱咗 Meta Verified 服務可以得到幾個功能包括：喺 Facebook 同 Instagram 上得到藍剔認證、防止冒名濫用身份、可以聯繫真人CS解決常見嘅帳戶問題，喺搜尋、評論同推薦等版面提高能見度。
另外，訂閱咗嘅用戶將獲得Stories同Reels嘅獨家貼紙。Meta指企業仲未可以申請Meta Verified徽章，而且用戶唔可以更改個人資料名稱、用戶名、生日或個人資料照片，除非重新完成驗證過程，至於過去已經透過身份驗證拎咗藍剔嘅帳號將唔會受到任何影響。
朱克伯格表示依項新功能目的係提高服務嘅真實性同安全性，訂閱服務由今個星期開始喺澳洲同紐西蘭率先推出，根據官方規定用戶需年滿18歲並提交與個人資料名稱同照片相符嘅政府證件，先可以用依項服務，未來將陸續推向更多國家，不過具體時間並未提及。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
