一組AI研究人員最近對OpenAI嘅ChatGPT進行咗一次醫療考試嘅測試,結果ChatGPT喺技術上勉強通過咗測試,連接近萬能嘅AI面對醫療考試都只係得D級,睇嚟AI喺人類嘅程度嚟講,只係勉強過關,仲未適合取代人類。
研究人員喺美國醫療執照考試 (USMLE) 上測試ChatGPT,依個試係美國醫生爭奪醫療執照主要所需嘅三項考試。ChatGPT喺所有三個級別嘅考試中得分都喺52.4%到75%之間。對於嗰度所有資優生嚟講,聽落可能唔太好,但佢同考試嘅60%及格門檻差唔多。參與該研究嘅研究人員指,咁標誌住人工智能首次能夠達到或接近通過門檻,以應對眾所周知嘅高難度考試。最重要嘅係,ChatGPT 可以喺冇經過培訓任何額外專業知識嘅情況下通過,算係AI發展成熟嘅一個顯著里程碑。
研究人員話,依啲考試都係乎合標準,所以特別適合測試 ChatGPT 嘅能力。人類學生通常需要大約 300-400 小時緊密咁閱讀科學文獻同測驗素材,以準備第一個考試。研究人員樂觀咁認為,ChatGPT 嘅合格分數可能預示住未來人工智能系統可以喺醫學教育中發揮輔助作用。
上個月,ChatGPT喺有名嘅賓夕凡尼亞大學嘅商科 MBA 級考試中得到 B 同 B- 之間嘅成績;喺法律考試案例中,ChatGPT 以 C+ 通過。研究作者 Jonathan Choi 表示AI嘅職業潛力係在於:「只係靠ChatGPT一個,佢可能係相當平庸嘅法學院學生。但律師可以用 ChatGPT 製作粗略嘅初稿,提升成件事嘅效率。」
不過,就算 ChatGPT 能夠喺寫作同閱讀理解嘅考試中勉強合格,但喺數學方面嘅表現真係強差人意。研究人員表示,喺數學方面,AI 嘅表現只係達到大約6年級嘅水平,會有咁嘅表現係源於AI自身嘅大型語言模型訓練。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!