Google將加入裁員潮？或裁走10,000名「表現不佳」員工

Google嘅母公司Alphabet似乎就快加入科技界嘅裁員潮。有消息指出，Google已要求管理層將6%嘅員工（大約 10,000 人）列為「表現不佳」嘅員工，認為佢哋對公司利潤嘅影響好大，所以公司計劃裁走依10,000名「表現不佳」嘅員工。

其實Google嘅利潤一直跌緊。Google公佈第三季度淨利潤為139億美元，比起舊年同期跌咗27%。雖然整體收入增長6%至691億美元，但同同期嘅比較仍然係跌咗，依個亦可能成為Alphabet決定裁員嘅原因。

Alphabet目前有大約187,000名員工。根據美國證券交易委員會嘅一份報告，2021年Alphabet員工嘅平均工資大約為295,884美元。人工比微軟出俾員工嘅人工高出70%以上。Alphabet出俾員工嘅人工比美國20間最大嘅科技公司出嘅人工高153%。