據報導，馬斯克炒咗Twitter 50%員工（3800人）之後，最近又炒咗一啲人。不過今次終於唔係全職員工，只係合約員工受到影響。喺Twitter 嘅5,500名合約員工中，依4,400人發現佢哋無法用公司嘅Slack群組同其他一啲工作系統後被知會已遭解僱。
據報導指，Twitter一啲喺印度工作嘅合約員工喺被承包商解僱之前，佢哋係冇收到內部通知。一名正負責緊急維修工作嘅合約工突然被註銷帳戶先知自己被炒，好多人係突然冇咗Twitter 內部系統嘅訪問權限後先知自己唔再為公司工作。 暫時Twitter 未有對消息作出回應，據指因為公司內部嘅公關團隊成隊都被炒魷魚，就好似Tesla前排咁樣，由老闆Elon Musk自己發放消息。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
