Elon Musk入主Twitter以嚟，都有好多唔同嘅Twitter新消息，包括大規模裁員、員工要7日工作、瞓公司、Twitter身分驗證藍勾勾功能加價等等。而近日有研究公司更表示，Twitter已流失逾87萬名用戶，當中仲包括Elon Musk舊愛Amber Heard。
研究公司Bot Sentinel披露嘅數據顯示，Twitter目前有大概2.37億個活躍用戶。自Elon Musk正式加入Twitter當日（10月27號）開始至11月1日期間，研究公司發現監察嘅310萬個Twitter用戶中，有11,535人停用賬號；另由於Twitter刪除不活躍、不真實或違反網站規則，有6,824人的帳戶遭暫停。按比例推算，截至11月1號已經有超過87.7萬名用戶停用咗佢哋嘅Twitter帳號，另有近50萬個帳號被暫停，多過平日兩倍！
相信用戶主要係不滿Elon Musk收購Twitter，因此停用帳號以表達不滿。此外，安全研究中心VPN Overview發現，喺過去一星期，由10月24號到10月31號期間，「如何刪除Twitter」嘅搜尋數量激增5倍。
Amber Heard嘅Twitter帳號喺馬斯克接管公司之後，都靜雞雞消失咗。撳入去佢嘅帳戶頁面，只會出現「帳號不存在」等字樣。除咗Amber之外，有多位知名人士宣佈將暫停使用 Twitter 或永久離開平台，由於馬斯克宣稱想將 Twitter 打造成完全言論自由嘅平台，並恢復先前遭禁嘅帳號，包括前美國總統Donald Trump等人物，部分用戶認為 Twitter 將唔再係個安全嘅社群平台。
歌手Toni Braxton就喺推文中表示：「我對平台上一啲所謂嘅自由言論感到震驚，躲喺言論自由底下嘅仇恨言論係唔能被接受嘅，因此我選擇離開 Twitter，依度對我、我兒子同其他非白人已唔安全。」
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
