網上流傳一張 Twitter 經理瞓喺公司辦公室地板上嘅相，原因都有喺前日報導過，Tesla員工參與咗Twitter社交網絡嘅代碼審查工作，並指示一啲Twitter員工需安排每星期7天、每天12小時嘅輪班工作，以追趕Elon Musk要求嘅deadline。
圖中見到 Twitter 嘅產品管理總監 Esther Crawford 被影到瞓喺睡袋入面——夾喺會議室嘅枱同櫈之間，戴住眼罩咁瞓。期後Esther Crawford轉發咗依張相，並寫上：「當你嘅團隊日以繼夜地趕工嗰陣，有時你會#SleepWhereYouWork。」
消息人士指，命令係暗示員工「24/7 工作」 ，以趕上馬斯克對 Twitter 用戶驗證流程進行徹底改革嘅最後期限。報告稱，員工們擔心如果無法喺今星期完成項目，佢哋可能會冇咗份工。
「我哋係#OneTeam，我哋使用#LoveWhereYouWork 標籤嚟展示，依個就係我轉發#SleepWhereYouWork 嘅原因——幾個月嚟，我哋一直進行瘋狂嘅公開收購，但我哋會繼續前進，我為我哋嘅實力同韌性感到非常自豪。」Esther補充。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
