Netflix 今日早前宣佈推出全新嘅個人資料轉移 （Profile Transfer）功能，依項功能令現有帳戶嘅成員喺唔需重新建立個人資料下切換到全新帳號，避免過去使用服務嘅個人數據資料消失。
無論係你同朋友已經冇咁friend定係同伴侶分手，任何同他人共享帳號嘅關係分道揚鑣後，你可以避免登入嗰陣再次見到對方而感到尷尬。個人資料轉移 （Profile Transfer）功能推出後，你可以直接將帳戶資料搬移，保留你個人化推薦、觀看歷史紀錄同個人片單同其他設定等等。
你仲可以另外創造一個擁有你個人資料嘅會員帳號。Netflix 產品創新產品經理 Timi Kosztin 喺文章中提到：「不論係有人搬屋、關係結束，充滿變化嘅生活中你都可以透過新功能喺 Netflix 上保持不變，高枕無憂咁繼續收睇你上次睇緊嘅片。」
隨著訂閱流失，Netflix 正力挽狂瀾，喺今年三月都宣佈捉「假家人」，禁止非家人間共享帳號，希望打擊多人共用帳户嘅現象。先前，Netflix 估計有 2.22 億個付費家庭帳號，有超過 1 億嘅用戶係冇付費，而透過其他人家庭共享帳戶使用串流服務。今次推出全新嘅個人資料傳輸功能，係鼓勵原先免費觀看嘅用戶最終能建立自己嘅付費帳戶。
Netflix 表示依項新功能將向全球陸續推出，可以使用嘅用戶會收到 Netflix 官方嘅電子郵件通知。
若想轉移帳戶，可跟隨以下步驟：
1）將游標移到首頁嘅使用者圖示
2）點選選單中嘅「轉移使用者」選項
3）輸入新帳戶嘅電子郵件同密碼
另外，用戶亦可以喺帳戶設定中，關閉轉移使用者功能。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
