Elon Musk有間公司叫The Boring Company(無聊公司??),專門出啲諷刺性嘅新奇產品。今次佢又出新嘢啦,係「燒焦頭髮」味道嘅香水,新產品售價為 100 美元(約港幣 785元),亦接受以狗狗幣購買。佢呼籲大家快啲去買佢嘅新香水,等佢籌夠錢買Twitter。
Elon Musk 素來支持虛擬貨幣交易,絞盡腦汁俾旗下多家公司接受狗狗幣支付。近期,佢旗下嘅 The Boring Company 推出咗「燒焦頭髮」(Burnt Hair)味道嘅香水。Elon Musk喺Twitter 中透露,「燒焦的頭髮」係「地球上最好嘅香水」,官網產品頁面顯示售價為 100 美元(約港幣 785元),即大約係 1,655 枚狗狗幣(DOGE),更笑言大家買 Burnt Hair,等佢可以買 Twitter。
香水喺開賣後 6 小時賣出超過 1 萬瓶,每瓶售價 100 美元。短短幾個鐘就賺到 100 萬美元,會喺出年第一季開始發貨。
由馬斯克分享嘅產品評論中,可以了解到依款香水聞落似木炭、燒焦嘅肉,同埋 BBQ 溝埋嘅味道。佢將依款香水描述為「令人反感嘅渴望」(repugnant desire),並稱係地球上最好嘅香水。他仲將自己喺 Twitter 嘅稱謂改成「香水推銷員」。由於馬斯克香水味道獨特,宣傳標語亦設計為「喺人群中脫穎而出!令自己喺機場行嗰陣會被關注。」
其實佢之前都出過啲奇怪產品,2018 年 The Boring Company 曾推出噴火器,產品命名為「不是噴火器」(not-a-flamethrower),最後賣出 20,000 個噴火器,賺進超過 1000 萬美金。
Tesla都曾經推出龍舌蘭酒(tequila),並計畫要將商品戲稱為「Teslaquila」,但最後因龍舌蘭產業嘅相關規範而打消咗依個念頭,改命名為「Tesla Tequila」。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!