內地網絡直播平台「抖音」再傳「禁粵語」風波。抖音近日以「無法識別語言」為由，限制同埋封鎖多個粵語主播帳號。一位嚟自廣東嘅網紅拍片投訴，稱抖音禁止佢喺片中使用粵語，怒斥做法荒謬落後，並宣佈退出抖音。事件引起大批粵語網紅不滿，拍片批評平台做法以及聲援粵語。
廣東一名喺抖音擁有超過400萬粉絲、專門拍攝粵語搞笑短片嘅網紅「廣東靚仔風少」喺抖音上載影片，投訴抖音以「無法識別語言」做藉口，令他被禁止喺片中使用廣東話，更直指做法非常荒謬，因此決定從此退出抖音。
短片一出，獲得一班網紅用粵語拍片聲援指，「粵語是母語，不明白說粵語為甚麼就不可以做直播」、「講粵語的人有很多，再加上粵語這麼動聽，用粵語介紹麻花才有靈魂」。有網民更直言抖音想法落後，胸襟狹隘，即使全國官方語言係普通話，但粵語係廣東人嘅日常語言，冇理由都要受到規限。
其實，「廣東靚仔風少」事件絕非首例；上星期四（29日），前亞姐羅琳用廣東話喺抖音直播嗰陣，系統出現咗「直播畫面被屏蔽」嘅訊息，稱「直播中包含無法識別的語言或文字，直播多語言識別功能在完善中，將盡快支持多種方言和語種」，甚至播放粵語歌《光輝歲月》都被中斷。部分主播討論禁播粵語事件嘅影片都被下架，理由係「涉及虛假信息」。
抖音表示，直播主喺直播間可正常使用粵語直播，平台並唔會因為主播講粵語就進行處罰。而據翻查抖音《抖音直播行為規範》，亦未見規定禁用方言直播。
目前，該影片及部分主播討論禁播粵語事件嘅影片疑似被平台移除，「廣東靚仔風少」亦於10月1日有更新合作影片，但有網民對比風少以往影片，影片流量相差好大。
資料來源：抖音、「廣東靚仔風少」
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
