日本《TBS電視台》早前有一套綜藝節目「がっちりマンデー！！」中介紹咗一間位於大阪嘅海鮮水產加工廠「巴布亞紐幾內亞海產」（パプアニューギニア海産），依間公司嘅管理方式曝光後，吸引好多網民討論。佢同一般企業最唔同嘅係，就係會俾員工相當高嘅自由度，包含允許無故曠職，即係話想返工就返，想返屋企就返屋企，唔洗聯絡就自行放假。
依間企業冇實行輪班制，主要負責嘅廠長武藤北斗便曾喺《朝日新聞》中，以《尊重你喜歡的東西，讓工作變輕鬆》為題撰文，表示公司嘅管理方針係，允許兼職員工想幾點返工都可以，只要喺星期一至星期五8:30至17:00內嘅任何時段出現就好，「臨時有事或冇心情工作都唔洗同老闆請假，可以直接缺席，所以有時候甚至會發生冇人返工嘅情況。」
武藤北斗提到，員工可以喺每個月嘅問卷中反映唔想做嘅工作，公司大約每2個月會進行一次調查，喺表上勾選直接反映自己嘅喜好，「特別喜歡的工作打◎，喜歡的工作打○，討厭的工作打⨉」，到時公司就會按照員工嘅填表結果嚟分配工作。香港老闆們不妨參考一下！
原以為係過度放任員工嘅規定，可能會影響工作效率，但卻喺真正實施後發現令人意想不到嘅結果。有廠內員工受訪時表示，喺公司規定之下可以做自己擅長嘅事，整體效率自然提升，亦因為請假無須報備，下班時間可以安心飲酒，壓力自然減少。
該公司老闆驕傲咁話「我們的員工都不想離職，最近3年完全沒有一個人離職，這在水產加工業來說簡直是奇蹟，因為這大多都是兼職的工作。」公司嘅離職率一下降，熟悉分內業務嘅老員工不斷累積，生產表現亦隨之暴增，「如此一來只要動用比較少的人力，就可以製作大量的產品。」
即使喺外界眼中睇落似管理鬆散，「但我們的年營業額高達1.3億日圓（約706萬港元）」，記者追問老闆業績蒸蒸日上嘅祕訣係咩，答案就在於善待員工。
依間水產公司嘅員工管理法引起熱烈迴響，唔少人認為現代人對於工作嘅期待唔同，有人寧願拎少啲人工，但唔希望工作時數太長，有啲人就想積極工作、好好賺錢，可以俾員工自由選擇工作模式的確係好事。
不過，都有人認為，依種管理模式只適合工作內容單純嘅工廠，如果係餐飲業、一般公司，員工管理同團隊合作係維持營運嘅要點。
資料來源：TBS電視台
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
