一到咗5至8月，就係應屆畢業生搵工嘅高峰期！僱主品牌顧問Universum訪問了香港9間大學近4,500名學生，去了解來自不同學科嘅學生對事業嘅偏好和對僱主嘅期望，結果顯示本港大學生對第一份全職工作嘅期望薪酬平均有25.3K，較上年增近兩成，同時佢哋最想打政府工做公務員。
畢業生期望首份全職薪金
調查評估咗多方面嘅指標，包括薪金、首選僱主以及對於首次進入就業市場嘅學生具吸引力嘅工作性質等。Universum 2022年最新調查顯示，學生對畢業後嘅期望薪金大幅提高，金額較去年增加19%，佢哋預期嘅平均年薪由2021年嘅25.4萬港元（每月21.2K）上升至今年嘅30.3萬港元（每月25.3K）。其中，修讀工程與自然科學學生預期嘅平均年薪較2021年增加24%至 30.4 萬港元（每月25.3K），而商科學生預期嘅平均年薪則增加 20%至 29.8 萬港元（每月24.8K）。
畢業生理想僱主
摩根大通（J.P. Morgan）及滙豐銀行（HSBC）今年成為商科學生眼中最理想僱主，而香港特區政府則繼續獲工程與自然科學學生列為首選僱主。科技龍頭公司 Google 和蘋果（Apple）均獲這兩個組別嘅學生選爲前五名嘅理想僱主。喺商科學生眼中，銀行業為最受青睞嘅行業（獲 46%學生選擇），其次為廣告（30%），第三位則是金融服務及科技以及電子商務（同為 26%）。摩根大通及滙豐銀行今年喺理想僱主排名榜上分別稍微上升一位及兩位，成為商科學生心中最具吸引力僱主頭兩位。
排名明顯上升嘅5間公司：
貝萊德（BlackRock）上升 20 位至第 25 位 （金融服務及科技業）
瑞士信貸（Credit Suisse）上升 24 位至第 29 位 （銀行業）
中國銀行（Bank of China）上升 17 位至第 31 位（銀行業）
星展銀行（DBS Bank）上升 12 位至第 35 位（銀行業）
友邦保險集團（AIA Group）上升 33 位至第 43 位 （保險業）
對Work From Home興趣增加
從有關工作性質偏好嘅數據分析，雖然本港畢業生繼續將豐厚未來薪酬、培訓及發展機會列為優先考慮因素，但佢哋同時對Work From Home興趣增加（2022年有 75%受訪學生感興趣，2021年則有 67%）。此外，同2021年相比，有興趣WFH嘅學生增加咗8%至75%。喺上一年嘅調查裏面，唔少受訪學生提及WFH可能導致被孤立、薪資潛力降低、受到僱主偏見、影響工作與生活平衡等顧慮，依啲問題儘管仍然被視爲在家工作嘅挑戰，但對大多數人而言，擔憂都比前一年減少。
男女大學生的期望薪金差距收窄
喺2022年，受訪男畢業生預期嘅平均年薪為 31.8 萬港元，而女畢業生為 29.5 萬港元，性別收入差距較去年收窄約一半至 7%，為五年來最小差距。回顧自2018年起過去5年嘅調查數據，本港男女學生期望年薪嘅差距百分比一直達到雙位數，直至今年：
2018 年：13%
2019 年：12%
2020 年：14%
2021 年：13%
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
