靈活辦公空間供應商IWG旗下品牌Regus早前進行咗職場調查,訪問咗1000幾名英國嘅Z世代打工仔。調查發現,Z世代員工重視可以喺屋企附近嘅地方返工、有工作/生活平衡同有趣嘅工作。同時,佢哋唔願意喺人工或公司價值觀上妥協。
靈活性同鄰近性比大城市的工作更重要
調查發現,85%嘅Z世代員工希望喺屋企附近嘅地方返工。同時,有51%嘅受訪者希望在家工作,另外有43%更指,如果冇work-life balance嘅話,佢哋就會辭職,超過三份之一 (38%) 嘅人希望彈性上班時間。
人工仍然係主要考慮因素
雖然靈活性對Z世代打工仔嚟講係最重要,但佢哋唔願意為咗實現依個目標而喺人工或職業發展上作出妥協。喺接受新職位嗰陣,人工係最重要嘅因素(73%),其次係晉昇機會(54%)。薪酬不足係辭職嘅首要原因(53%),而缺乏晉升機會係前三名(41%)。
企業價值觀都極其重要
研究仲顯示,年輕員工唔願意為咗高啲人工而滿足於乏味嘅工作。46%嘅人表示,有趣嘅工作對佢哋留喺目前工作係最重要,僅次於人工同晉昇機會。如果工作令佢哋唔滿意,佢哋會辭職。
商業價值觀同道德都同樣重要。61%嘅人覺得有領導能力同方向至重要,有三成人表示,如果佢哋覺得僱主嘅價值觀唔符合自己嘅價值觀,佢哋會辭職。
環境同社會責任尤其重要,55%嘅Z世代打工仔表示僱主應該要重視,近一半 (48%) 拒絕加入冇明確環境同社會目標嘅企業。一半 (50%) 表示,如果僱主喺社會或環境目標上退縮,佢哋將會離職。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!