職場調查：逾5成Z世代希望能WFH｜85%期望公司近屋企

靈活辦公空間供應商IWG旗下品牌Regus早前進行咗職場調查，訪問咗1000幾名英國嘅Z世代打工仔。調查發現，Z世代員工重視可以喺屋企附近嘅地方返工、有工作/生活平衡同有趣嘅工作。同時，佢哋唔願意喺人工或公司價值觀上妥協。

調查發現，85%嘅Z世代員工希望喺屋企附近嘅地方返工。同時，有51%嘅受訪者希望在家工作，另外有43%更指，如果冇work-life balance嘅話，佢哋就會辭職，超過三份之一 (38%) 嘅人希望彈性上班時間。

雖然靈活性對Z世代打工仔嚟講係最重要，但佢哋唔願意為咗實現依個目標而喺人工或職業發展上作出妥協。喺接受新職位嗰陣，人工係最重要嘅因素（73%），其次係晉昇機會（54%）。薪酬不足係辭職嘅首要原因（53%），而缺乏晉升機會係前三名（41%）。

研究仲顯示，年輕員工唔願意為咗高啲人工而滿足於乏味嘅工作。46%嘅人表示，有趣嘅工作對佢哋留喺目前工作係最重要，僅次於人工同晉昇機會。如果工作令佢哋唔滿意，佢哋會辭職。

商業價值觀同道德都同樣重要。61%嘅人覺得有領導能力同方向至重要，有三成人表示，如果佢哋覺得僱主嘅價值觀唔符合自己嘅價值觀，佢哋會辭職。

環境同社會責任尤其重要，55%嘅Z世代打工仔表示僱主應該要重視，近一半 (48%) 拒絕加入冇明確環境同社會目標嘅企業。一半 (50%) 表示，如果僱主喺社會或環境目標上退縮，佢哋將會離職。

我哋啱啱出咗手機app呀～方便各位IT人搵工，快啲撳下面條link download啦！

立即Follow我哋，搶先收睇各類文章！

各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！

冒名頂替症候群：我們都是成功的騙子嗎？