打工仔每日都有起碼3份1時間返工，所以同事都算係打工仔見得最多嘅人，可能喺好多project都要一齊做，有時又一齊講下老細壞話。不過唔知大家會唔會視同事為朋友呢？Olivet Nazarene University調查咗 3,000 名從事全職工作嘅美國人以了解工作上嘅友誼。
首先，有82%嘅受訪者將任何同事定義為「朋友」，得 18% 嘅人話唔當，所以大多數工作環境都非常友好。然後，團隊要求受訪者將佢哋嘅每個同事分配到以下五個類別之一：真正嘅朋友、工作中嘅朋友、同事、陌生人或敵人。平均而言，美國人將 41% 嘅同事定義為——同事。22% 認為係陌生人、20%認為係工作朋友、15%認為係真正朋友同2%認為係敵人。
而打工仔喺工作中平均擁有5個朋友，但我哋嘅調查顯示，大多數人並唔認為依啲朋友係「最好嘅朋友」。得29%嘅受訪者表示佢哋有至少一位同事係好友。
按行業劃分嘅職場朋友
根據數據顯示，平均好友數目最高嘅行業係交通（10名）、金融和銀行（8名）、會計（8名）同營銷/廣告/公關（7名）。朋友最少嘅行業包括法律同房地產，平均每個受訪者有3個朋友。
想要更多的工作友誼
總體而言，調查發現76% 嘅打工仔表示佢哋滿意佢哋現有嘅工作朋友數量。另外有20%嘅人話佢哋想要更多嘅朋友，4%嘅人話佢哋有太多朋友。
根據受訪者，工作友誼往往好快形成，58%嘅人表示佢哋通常會喺幾日或幾星期內同同事成為朋友。交友最快嘅行業包括保險、營銷、餐飲、零售同房地產。工程、醫療保健、金融、人力資源同政府部門嘅人往往需要更長時間先可以建立聯繫。
根據調查，58%嘅人有工作朋友可以傾佢哋嘅愛情生活，53%可以傾健康問題，33%可以傾財務問題，64%可以傾同其他同事嘅衝突。雖然大多數人覺得佢哋可以同同事傾敏感話題，但好多人唔會傾太多——三份一嘅人每日同同事傾同工作無關嘅事嘅時間唔會超過幾分鐘。
資料來源：Olivet Nazarene University
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
