相信一眾打工仔都會試過轉工，轉工嘅原因有好多，可以係人工低、工作壓力大、人際關係等。但有好多時相信原公司都唔係咁差，只係人工升幅唔夠轉工高，而當你有offer而老細又留你，你就會處於苦惱階段，因為各種因素想走/唔走，今日小編為你一一拆解！
全面比較
除咗人工之外，你記得要比較多幾個範疇：
1.有冇雙糧？要除返開睇下有冇高人工啲
2.升職空間？如果兩份工只係差幾K但一份明顯有較大空間升職，咁少幾K都唔怕，好快追得返
3.車程距離？如果原本份工好近屋企，另一份要過海/ >1小時單程車程，你都要諗下你每日額外冇咗3小時，車費都雙倍咁計
4.OT/工作量？原本份工都OK輕鬆嘅，之後嗰份可能要返5.5日/成日OT嘅，計返啲錢都差唔多，仲要你每日嘅me time會減少好多
5.人際關係？你見工嗰陣有冇睇到間公司啲人有冇閒聊，定個個都好嚴肅唔傾偈，都判斷到個工作環境係點。同埋如果原公司嘅同事全部都好好人，冇乜辦公室政治，真係可遇不可求！！理想嘅工作其中一個元素係有班融洽傾到偈嘅同事，唔好咁易放手啊！！！
轉工原因有冇得救？
前言都講過轉工原因有好多，唔係所有問題都解決到，所以你要睇下你介意嗰樣嘢係咪長期/較難解決到，例如：公司文化、辦公室政治、俾人刻意針對、得罪咗啲大粒嘢，如果係依啲咁難解決嘅，而另一份offer又唔錯，咁就真係早走早著。
老細知我有離心點部署？
當你有其他更好offer，同老細辭職嗰陣，老細就會開始七情上面咁：「遲啲加你人工升你title啦」、「做生不如做熟、你又唔知間公司點」、「知依排唔夠人辛苦你啦，我會盡快請多啲人幫你㗎！」。佢俾你嘅counter offer好似仲吸引過新工，你就會開始猶豫。
老細聽到你話辭職，可能會加你人工，但你要諗下其實老細都會諗定backup plan，請定人代替你，正常老細點會想長keep有離心嘅員工。所以睇吓你想離開嘅原因係咩？如果淨係因為錢嘅話，如果原公司加幅好多，可以留一陣，等遲啲轉工叫高啲價。
不過都會有老闆真心想留一個有離心嘅員工，因為喺老細角度，job ad、面試、出offer、training、適應期全部都係成本，請一個新人真係好麻煩同成本高，加上請到一個適合嘅人選都好難，一時間未必請到。
希望以上意見幫到各位想轉工又唔知點揀嘅打工仔，有任何補充都歡迎cm，祝大家一帆風順，人工title係咁升～
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
