Chris Capossela喺早期職業生涯有幸加入Microsoft做Bill Gates嘅演講撰稿人，而家Chris已經係Microsoft嘅CMO(chief marketing officer)，Chris喺Bill Gates身上學到最有價值嘅一課，亦都係佢分享成功秘訣之一，就係時間管理嘅重要性。Bill Gates對計劃佢嘅日程安排一絲不苟。 「我喺佢身上學到嘅時間管理技巧令我能夠實現我一直想要嘅工作與生活平衡。」Chris話。
以下係Chris從Bill Gates嗰度學到嘅兩種時間管理技巧：
提前一年計劃你嘅日曆
唔好只係諗幾星期至幾個月嘅日程安排，重要嘅係規劃未來嘅一年。Chris睇過Bill Gates提前一年計劃咗佢嘅日程安排，主要係圍繞微軟嘅財政年度，由七月到第二年六月。
提前計劃可以幫你嘅日程制定節奏，將目標分得細啲、咁會更易管理你要做嘅嘢，提高你嘅工作效率並改善你嘅工作與生活平衡，以及其他好處。Chris補充話，你唔洗為嚟緊嘅12個月制定每個目標或項目，咁樣策略先有效，但對年度目標、重要日期、假期和其他重大事件有一個粗略嘅大綱係有幫助嘅，可以用嚟作參考。
「當我渡過我嘅一日時，我唔會為嚟緊要做啲咩或做得唔夠而感到壓力，因為我已經主動計劃咗出年嘅日曆。」Chris話。 「時間係我哋最寶貴嘅資源，一旦失去就無法搵返……所以重要嘅係要問自己，我想點樣渡過人生嘅下一年？」
將你嘅時間安排到唔同嘅桶中
你有冇曾經覺得自己成日浪費時間喺無謂嘅會議/回覆幾百封email？依個苦惱都有困擾住世界上最成功嘅CEO之一。Bill Gates喺2017年嘅一次採訪中話俾電視節目主持人知，佢有時覺得自己一定要將日程嘅「每一分鐘」都安排好，去證明自己有幾「認真」。但Bill Gates諗咗一個解決方案去解決依個問題：Chris話，佢將自己嘅時間安排喺唔同嘅桶（時間段）中，再睇返自己喺每個桶上用咗幾多時間，並相應地調整咗佢嘅日程。
Chris用咗依個技巧，並將佢嘅時間安排喺四方面：人（招聘同團隊管理）、公司策略、營銷技巧同客戶。Chris建議，由四個桶開始，將 25%嘅工作日用喺每個類別。試用依個方法3-4個月，睇下你有冇覺得更有效率，並喺時間結束嗰陣做好你嘅工作。「依個方法好有用，我用少咗時間就可以處理到嗰啲公事。」Chris話。
資料來源：Make It
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
