各位打工仔有冇對於自己努力工作但冇乜回報而感到厭倦，但同時你又未想完全放棄？你可以試下“quiet qutting”。最近TikToker@zkchillin發佈咗有關“quiet qutting”嘅短片，獲得超過300萬views。
喺短片中，佢解釋咗對“quiet qutting”嘅睇法，同時亦係佢最近新學嘅字。“quiet qutting”係TikTok上興起嘅一種新的職場趨勢，令員工開始建立明確工作與生活嘅界限以減輕壓力。簡單啲講，只求達到工作嘅最低要求，員工嘅工作態度更為被動，為自己而唔係為老闆著想。依個趨勢基本上話俾打工仔知，要識得喺工作中放鬆，停止承擔職責以外的額外工作或者OT。
「你依然係履行緊你嘅職責，只係你唔洗將工作視為係你嘅生活，而事實上，工作唔係你嘅生活。」、「最有趣嘅係咩都冇改變，我一樣完成晒所有工作，只係我唔感到有壓力，咁樣真係好好。」zkchillin指。
“burnout”(倦怠)依個字係由00後發明嘅，年輕一代以及00後，個個都努力避免倦怠，目標只係做老闆要求嘅份內事，令2010年代嘅「忙碌文化」成為歷史，取而代之嘅係1990年代嘅「懶人文化」。除年輕世代對工作抱有新嘅態度外，疫情後嘅辭職潮亦鼓勵依個現象嘅出現，有啲企業要求員工OT，令員工無論喺地點或時間上，都好難搵到工作同生活之間嘅明確界線，搞到員工被迫培養拒絕嘅能力，以換取個人生活。
Gallup最近發佈嘅《2022年全球職場狀況報告》發現，得21%嘅員工投入到工作入面，而實際上得33%嘅員工整體幸福感上升。此外，44%嘅員工表示佢哋全個工作日都感到壓力。要修復依個全球「躺平」嘅心態唔係無可能，臨床心理學家霍爾（Rebecca Holt）指出，「員工需要足夠嘅自主及控制權，並擁有心理上嘅安全感」，意思即係尊重員工嘅私人時間，並保證工作量嘅合理性。
資料來源：Fortune
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
