收到counter offer唔知點揀？4個你應該拒絕嘅原因！

大家收到其他公司嘅offer，有時會諗好唔好問原公司拎counter offer，因為喺原本間公司工作可能做得幾開心，惟獨是人工冇乜增長所以先想轉下工。但係今次小編就想講下4個拒絕counter offer嘅原因，記得睇埋落去啦〜

當公司一出counter offer俾你，你心裏面可以有幾把魔鬼嘅聲音：「做生不如做熟啦」、「老細話下個會升我喎」、「新工可能好伏又要適應」，大家依個時候要冷靜〜諗清諗楚！

1.諗下點解你想走？

喺take offer之前，你要諗下點解你當初想轉工先？無論係因為工作環境、人事、工作量、人工定其他原因都好，你諗下counter offer有冇解決到個問題。有調查顯示，有90%接受咗counter offer嘅人會喺6個月內離開公司，就係因為嗰個問題冇解決到。

當原公司知道你有離開嘅心，就算佢俾counter offer你，但心裏面可能已經會唔再信你，覺得你隨時會辭職。莫講話升你職，甚至會叫HR搵定人去替代你，始終公司唔會冇咗你唔得，唔好睇到自己咁重要。

你一話走老細就話可以加你一樣嘅人工或者高少少，一來嗰啲可以係你嘅花紅或者係提早咗appraisal，變相之後一段時間都冇得加；二來就係公司好興拖慢進度，口頭上話加你人工，但會用人事行政需時為由去拖得就拖，變上姐係冇加過，純粹拖住你俾佢有時間搵人代替你。

如果間公司係識得重視人才，或者欣賞你嘅價值，就唔會等到你話走先識得加你人工或者要等你開口先識做。而且如果你自問自己辦事能力真係好嘅話，公司應該早就因應你嘅努力去嘉許你去留住你。

所以大家喺諗緊take邊個offer嘅時候，唔好一味俾魔鬼聲音影響決定，要衡量下上面4個應該拒絕counter offer嘅原因啦〜

我哋啱啱出咗手機app呀～方便各位IT人搵工，快啲撳下面條link download啦！

立即Follow我哋，搶先收睇各類文章！

各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！