大家喺職場嘅性格係點樣呢？原來性格特質對收入有一定影響！有研究話，30歲後如果性格愈隨和友善，收入好可能愈低，性格友善嘅人可能會比一般人賺少27萬美元（約210萬港元）嘅終身收入，而有3種性格嘅人係最易發達，想知就睇埋落去啦！
愈年長性格對收入愈有影響 30歲後愈友善收入愈低
哥本哈根大學經濟學助理教授Miriam Gensowski搵咗超過1,000名智商高於140嘅高智商人士受訪，研究受訪者由1920年代至1990年代期間嘅人生閱歷，目的係了解佢哋嘅人格特質、終身收入同教育程度之間嘅關係。研究結果發現，啱啱踏入社會工作時，性格同薪酬冇太多嘅直接影響。但隨住年紀增長，加上職場經驗增加，性格對終生收入嘅整體影響就會愈嚟愈大。
男性嘅收入喺職業生涯初頭幾乎完全冇受性格影響，但去到30歲差距開始出現，更認真、更外向、更唔隨和嘅男性收入開始愈賺愈多。因為盡責同外向等性格影響，男性每年可較普通人多賺10至20,000美元。
以下3種性格最易發達
此外，今次研究對象中，情緒穩定、對新事物持開放態度同終生收入冇明顯嘅關係。研究分析出賺錢能力最勁嘅性格，只要有以下3種性格特徵，收入將會比一般人高2倍以上：
盡責：盡責同賺錢能力成正比，教授認為，盡責嘅人會因為工作效率更高而獲得更高嘅人工，同時因為盡責，亦更有可能獲得高等教育，從而提高收入。
外向：性格外向嘅人比內向嘅同年人賺多600,000美元（約470萬港元），約為終生收入嘅15%。
低隨和性：研究顯示，性格較隨和，樂於助人且對人友善嘅男性，收入明顯低於唔太隨和嘅男性。非常隨和嘅人一生中嘅收入將比普通人少 270,000美元（約212萬港元）。
學歷愈高 性格對收入影響愈大
團隊仲發現，兩個同樣擁有學士學位嘅男性，內向嘅人會比外向嘅同年嘅人賺少290,000美元（約227萬港元）。同時學歷愈高，性格影響愈大。當學歷達到碩士學位或以上時，內向嘅人同外向嘅人嘅收入差異會增加到約760,000美元（約596萬港元）。
愈隨和嘅人愈難晉升
另有研究指越友善嘅人，特別係嗰啲可以同同事打成一片嘅人，越難升職做管理層；相反，一啲處事較固執、公事公辦、較難相處嘅人往往較容易獲得晉升嘅機會。不過依啲取決於工作能力，因為同晉升機會一樣，不好相處嘅人比脾氣隨和嘅人，亦更大機會被解僱。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
