立法會係2022年6月9日通過《2022 年僱傭及退休計劃法例（抵銷安排）（修訂）條例草案》（「條例草案」），廢除僱主以強制性公積金（「強積金」）供款抵銷向僱員支付嘅長期服務金/遣散費嘅法定權利，並宣佈係2025年生效，簡稱取消強積金對沖。行政長官李家超係2023年4月28日出席勞工處舉辦嘅勞動節酒會時，宣布取消強積金對沖安排於2025年5月1日生效。
【遣散費係啲咩？】
根據《僱傭條例》，若員工受僱於同一僱主（連續性合約）不少於24個月，符合以下其中一個條件就可以享有遣散費：
- 因裁員而被解僱
- 因裁員理由，在僱員合約到期後沒有續期
- 僱員被僱主停工的情況下
【唔支付遣散費嘅懲罰】
如果僱主收到員工嘅書面申索遺散費，必須係收到通知嘅兩個月內支付有關嘅遣散費。若僱主故意拖欠遣散費，最高被罰款5萬元。
【長期服務金係啲咩？】
根據《僱傭條例》，若員工受僱於同一僱主（連續性合約）不少於5年時，符合以下其中一個條件就可以享有長期服務金：
- 不是因為嚴重過失或裁員被解僱
- 合約期滿不獲續約
- 僱員在職期間死亡*
- 有醫生紙證明自身永久不適合擔任現時的工作
- 65歲或以上的僱員因年老而辭職
*如果僱員在職期間死亡，合資格人士需要在僱員死亡後30天內填妥指定表格，向僱主申請領取長期服務金。
【唔支付長期服務金嘅懲罰】
僱主須係僱傭合約終止後7日內向員工支付長期服務金。若僱主故意唔支付，最高被罰款HK$350,000及監禁3年。
【遣散費 / 長期服務金計算方法】
根據《僱傭條例》，遣散費同長期服務金嘅計算方法係一樣嘅：
- 月薪僱員：（最後一個月全月嘅工資 X 三分之二） X 可追溯嘅服務年資
- 日薪或件薪僱員：僱員最後工作嘅 30 個正常工作日中任何 18 天工資 X 可追溯嘅服務年資
無論本身月薪係幾多，計算時，都係以$ 22,500 嘅三分之二爲上限（$15,000），而員工可得遣散費/長期服務金最多為$ 390,000 。
【員工年資大過5年，要同時支付遣散費及長期服務金？】
員工受僱滿5年，因裁員被解僱，僱主只需支付遣散費，唔需要同時支付遣散費及長期服務金。另外，兩種補償有個好重要嘅分別，若合符補償條件，就算員工無申索，僱主都要主動支付長期服務金。
以前，僱主可以利用在強積金計劃中嘅供款以支付長期服務金或遣散費。不過，2025年5月1日之後就無呢支歌仔唱。
【取消強積金對沖安排4大重點】
- 修訂條例旨在取消使用强積金制度下僱主的强制性供款累算權益抵銷遣散費及長期服務金的安排
- 僱主自願性供款累算權益以及按僱員服務年數支付的酬金，則可繼續用于「對沖」遣散費或長服金
- 取消「對沖」不具追溯力，僱員在修訂條例生效日期（轉制日）前受僱，僱主可繼續用其强積金供款累算權益，「對沖」僱員在轉制日前的受僱期産生的遣散費或長服金
- 取消「對沖」安排也將適用於《職業退休計劃條例》下的職業退休計劃、《補助學校公積金規則》或《津貼學校公積金規則》的兩類學校公積金計劃，以及獲豁免於強積金計劃的外地僱員參加的海外職業退休計劃
【取消MPF對沖後，長期服務金／遣散費部分嘅計算方法】
大家最疑惑嘅相信係員工係轉制日前已經受僱，而係轉制日後被解僱。呢個時候，長期服務金／遣散費會分成兩部份：
〖部份（1）轉制日前嘅長期服務金／遣散費部分〗
按照僱員係緊接轉制日前嘅全月工資及轉制日前嘅服務年數計算。
計算方法：三分之二 x 緊接轉制日前嘅全月工資（以22,500港元為限） x 轉制日前嘅僱傭期年數
〖部份（2）轉制日後嘅長期服務金／遣散費部分〗
按照僱員係終止受僱前嘅最後全月工資及轉制日後嘅服務年數計算。
計算方法：三分之二 x 終止受僱前嘅最後全月工資（以22,500港元為限） x 轉制日後嘅僱傭期年數
員工係轉制日前已經「受僱」而係轉制日後被「解僱」所得到嘅長期服務金／遣散費 ＝〖部份（1）〗＋〖部份（2）〗
*〖部份（1）〗仍然可以被對沖！
【其他重點】
- 根據《僱傭條例》支付的長期服務金或遣散費無須徵收薪俸稅。
- 一項為期25年、總額332億港元的補貼計劃，在廢除抵銷安排後的初期為僱主提供特定援助。
其實取消強積金對沖要注意嘅事項絕對唔止咁少，當中仲有好多陷阱位！例如公司破產風險大增、合約工取代長工等等，想知更詳細、更深入既分析？Sick Leave Tomorrow同Fortune Insight早前邀請咗資深僱傭專家及中港勞動法學會主席李錫強先生為大家錄製咗一場 專題講座（無限重溫） 以及撰寫咗一本 天書 ，千奇唔好錯過喇！
預覽：
完整課程請按此
Follow「Sick Leave Tomorrow」，即刻收到職場新資訊！
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
我哋啱啱出咗手機App呀，方便各位IT人搵工～快啲撳下面條Link Download啦！
