打工仔身體唔舒服請幾日病假好正常。不過內地黑龍江一位女老師，病假一請就請足25年，期間完全冇返過工！後來打算返學校辦理退休手續，先知原來自己嘅教席畀人取消咗。咁大件事，學校竟然一聲通知都冇？女老師心生不憤，決定控告學校同教育局，要求學校補返咁多年人工，一共約港幣100萬！
呢位叫姚志榮嘅女老師由1983年開始就喺黑龍江一間中學任職。教咗14年，到1997年發現身體不適，就向學校請病假去北京就醫。期間因健康問題，一直冇返工。直至2020年達退休年齡先返學校辦理退休手續，點知原來學校喺冇通知佢嘅情況下，取消咗佢嘅職位！
姚老師表示喺2002年曾經向學校查詢過被「停止出糧」一事，本應老師請病假係可以有70%人工，但學校回覆「放病假唔可以出糧」。另外，2008年申請醫療保險補貼嘅時候，被告知教師身份屬於國家幹部，所以唔可以申請補貼。亦因為咁，佢當時認為自己嘅教師職位依然存在。
後來姚老師進行行政訴訟，要求教育局恢復佢嘅教師職位。當局表示早喺2004年，該中學同另一中學合併嘅時候，就已經冇佢嘅人事資料，認為雙方並冇僱傭關係，所以拒絕恢復佢嘅身份、辦理退休手續，更加唔可能補返2001年至2022年高達90萬人民幣嘅人工畀佢。而法院方面，判定姚老師所提出嘅訴訟唔屬於法院嘅受理範圍，所以予以駁回。最後，姚老師提出上訴，暫時未有結果。
關於香港勞工法例嘅病假處理，你又了解幾多呢？有薪病假最多有幾多日呢？心思思想知道更多嘅話，留意實我哋Sick Leave Tomorrow嘅社交平台啦！
Follow「Sick Leave Tomorrow」，即刻收到職場新資訊！
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
我哋啱啱出咗手機App呀，方便各位IT人搵工～快啲撳下面條Link Download啦！
