繼「安靜離職」（指「僅完成工作最低要求」嘅工作態度）後，最近又出現一個職場新趨勢——「安靜藏私」（Quiet Constraint），意指當員工見到問題所在、有對事情有幫助嘅諗法時，唔肯主動發聲。根據美國市場研究機構調查發現，有近6成企業員工，唔願意主動分享對工作有幫助嘅知識。而呢個現象喺Z世代員工中尤其明顯，高達8成年輕員工「安靜藏私」，為企業嘅生產力同成功帶嚟嚴重負面影響！
職場專家表示，目前美國仍然有幾千間企業混合居家辦公及到公司返工兩種工作模式，部分專家相信遠距及混合工作模式，會造成員工嘅合作與知識分享減少，容易令團隊及個別員工彼此疏遠。
喺市場具領導地位嘅學習與測驗遊戲平台Kahoot!發言人布塔（Falguni Bhuta）指：「由於科技加速進步，職位亦更專業化，因此令大多企業嘅生態系變得更複雜。」佢認為一旦團隊成員唔完全合作、分享知識同資訊，效率同產能就會面臨嚴重挑戰，仲限制咗創意、新想法同解決問題嘅能力。
播客節目主持人、心理治療師莫琳（Amy Morin）話：「大家都只替自己而唔係團隊或公司著想，就好難有健康嘅團隊。個別員工可能開始競爭而唔係合作，唔可以分享想法、通力合作嘅團隊好難成功。」佢又指，有遠距工作者會因為遠距工作而難以脫穎而出，所以刻意阻撓同事，令自己睇起上嚟比較強。
曾替《哈佛商業評論》（The Harvard Business Review）撰寫書籍嘅職場文化專家柯曼（John Coleman）指出，其實「安靜藏私」對員工嚟講係下策，既不道德亦可能造成員工名聲變差、職場關係變差。從公司嘅角度嚟睇，更加係腐蝕性強大嘅文化，會創造員工覺得要彼此相爭嘅環境，只聚焦喺自己狹窄、短期嘅立場上而唔係公司嘅更大願景。
佢建議，公司應該好好獎賞每個願意免費公開資訊、幫公司創造共同目的同正面文化嘅員工，如發現有員工一直做「安靜藏私」等行為時，應該迅速果斷地處理。
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/
