過去三年係香港嘅移民潮，唔少人選擇離港生活。其實要到另一個地方生活極之困難，除咗融入當地生活文化外，仲要投入職場，面對嘅困難就更加多。每個地方嘅公司都有唔同嘅職場文化，要適應並唔容易。早前，一位由內地嚟香港工作嘅女仔喺社交平台發文，指自己非常鍾意香港嘅職場文化，只因同事間嘅相處夠公私分明，仲分享咗兩件真人真事經歷。
呢位「港漂女」表示，曾經聽過有人話香港同事好有距離感、冇急事一定唔會放工搵你、夠鐘就收工、喺街見到面仲會扮唔識，感覺好冷冰冰。佢原本都有啲擔心點樣同香港同事相處，點知最後竟然相處得好好！事主仲詳細分享咗兩件親身經歷嘅事，力證香港職場文化嘅優點！
第一，互相提點。事主話有次同同事食Lunch，其中有位新入職嘅姐姐提到自己外出送資料之後，一直唔好意思開口問上司拎返車費。點知其他前輩就異口同聲咁提醒佢要醒目啲，錢銀嘅嘢必須直接開口問，如果唔係就會蝕底！事主又指出，當中有位同事認為自己而家嘅能力同人工唔匹配，其他人即刻集思廣益，幫手諗點樣同老細爭取加人工，好有愛。
第二，互相平等。事主話佢初嚟報到嗰陣好怕羞、咩都唔敢出聲，前輩就同佢講公司嘅同事都係直來直往嘅，無論係咩身分，大家都係互相平等、冇高低之分，但又不失尊敬。呢番說話令事主覺得好感動，估唔到公司團結又有愛，工作環境比想像中輕鬆。佢話：「上班時高效率溝通交流，下班後懂得享受生活。從這一刻開始我就知道我來對地方了，我喜歡這個城市。」
作為香港打工仔嘅你，以上嘅職場文化，你又有冇共鳴呢？
催旺你嘅人際關係――職場催旺人緣法
https://bit.ly/3Oi285F
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/
