10種過年都要開工嘅職業｜新年依然返工返得好開心嘅工種係……

臨近新年，唔少行業、公司都準備收爐，齊齊食團年飯等過年。不過，有唔少工種全年無休，新年依然Keep住開工，做到冇停手。而其中一種職業雖然新年冇假放，不過都返得好開心，仲簡直係全年最開心嘅日子？即刻數數10種過年都要開工嘅職業！

1. 醫護界

醫護工作向來都好重要，萬一過年有咩唔舒服或者唔好彩發生意外，冇咗佢哋都唔知點算！

2. 飲食業

飲食更加唔使講啦！由年三十晚團年飯起，忙到大年初一二三，根本冇得休息！大家喺新年有餐好嘅落肚，都要多得佢哋呀。

3. 戲院業

新年最啱一家大細去睇賀歲片或者卡通片開心吓，做戲院賣飛同帶位嘅職員，都係新年冇得唞！

4. 新聞業

正所謂日日都有新聞，報紙、網媒日日都有報導出街，過唔過年對佢哋嚟講根本冇分別。

5. 捐血站

最近血庫告急，捐血如同救人一命，刻不容緩，所以捐血站喺新年期間依舊開放，希望有更多人抽到時間去捐血。

6. 酒店旅遊業

農曆新年係旅遊高峰期，唔少家庭都趁長假期出埠去玩，所以呢個時候領隊、導遊都求才若渴，基本上都冇假放，而酒店業亦都一樣。

7. 消防員

為咗保護市民安全，消防員喺聖誕、新年都一樣要返工，隨時候命，不過最好就唔需要出動啦！

8. 公共交通

各界司機大佬，打風都可能要開工啦，何況過年呢？巴士、小巴、的士、渡輪等司機，新年都照常開工，如果唔係大家邊有車搭去玩、去拜年？

9. 外賣仔

網上外賣平台愈見盛行，送外賣業界人數幾何級上升，新年期間仲好可能要送比平時更多嘅份量。各位叫外賣嘅你哋，新春期間，不妨畀多啲貼士啦！

10. 保安人員

新年都要開工嘅職業之中，最開心嘅應該就係保安喇！新年嘅時候，大廈出出入入咁多人，小編見到佢哋由朝到晚笑到四萬咁口，就估應該都賺唔少，唔知農曆新年會唔會係佢哋返呢份工最期待嘅日子呢？

其實農曆新年要開工嘅行業邊止咁少呢？全部都絕對值得我哋致敬！

冒名頂替症候群：我們都是成功的騙子嗎？