英國打工仔上年平均請病假7.8日，與「精神壓力」問題有關！

請病假唔係身體唔舒服、傷風感冒要留喺屋企休息咁簡單，而係精神上、心靈上要唞唞！你又有冇試過工作或生活壓力大到返唔到工，要請病假？原來英國唔少打工仔都試過！

英國人力資源協會（CIPD）向合共僱用咗超過650萬名員工嘅918間公司及機構進行調查，了解僱員嘅請病假情況。結果發現，英國打工仔上年每人平均請咗7.8日病假，較2019年嘅5.8日增加咗2日，亦係自2010年以嚟最高。

睇返請病假日數嘅長短，請短假主要因為傷風感冒或感染新冠病毒，而請長假嘅主要原因就與精神健康疾病有關，佔63%，比率仲高過因為中風或患癌症等重病而要請假！

逾四分一受訪僱主指，壓力通常係僱員告病假嘅原因。同時，超過四分三受訪打工仔表示，上年試過因為壓力大而請病假，由照顧家庭責任重大、生活成本上升以及工作壓力所引致。因此，唔少打工仔都希望公司嘅工作安排可以更靈活，以及可以Work From Home。

另一邊廂，唔少僱主都表示，招聘越嚟越困難，而且缺乏熟練嘅員工。協會認為僱主應為僱員提供更多支援，令更多人願意重返工作崗位。

By the way，打工還打工，要顧住自己身體至好呀！

即上全新課程：職場痛症紓緩工作坊，令你嘅身體Relax吓啦！ https://bit.ly/3PYeS2k

冒名頂替症候群：我們都是成功的騙子嗎？