《HR奇異檔案》之樹洞

唔知點解，好多同事經過 HR 房都會停低吹兩句，咩都講。我諗，同事係咪當咗 HR 係樹洞？今次分享一段由樹洞抽出嚟嘅真人真事。

有個 Junior 同事同樹洞講：「P (暱稱) 工作上對我好好嘅，但佢一星期叫我同佢+同事去食3次 lunch，每次都好貴 (中環)，有時仲要 lunch 後一齊買咖啡飲，冇咗成 $150 以上。

P 有揸車返工，我知道佢想同我哋一齊食飯夾大啲張單，可以喺商場吸印免費泊車。有一次糧尾，我婉拒飯局，佢好似有啲唔 like，話我做乜咁唔團結，仲好似嬲咗我兩日添。唉，真係冇錢呀大姐，我唔想俾佢搞到長期糧尾 … 嗱，我講下㗎咋，呢度嚟，呢度散，千祈唔好話返比我阿姐聽。」

樹洞聽完深表同情，同事返工為份糧，佢阿姐就為咗張泊車券，一邊天堂，一邊地獄，作為 Junior 又冇 say，真可悲。

[Lessons Learnt]

．一齊食飯 = 團結？
．己所不欲，勿施於人
．唔想比錢泊車就唔好揸

共勉之

本篇文章由特約作者 Davidhoresume – David Ho 所撰寫，

如想了解更多「面試技巧」的培訓／一對一服務，歡迎向Sick Leave Tomorrow顧問查詢。

冒名頂替症候群：我們都是成功的騙子嗎？