IT行業近年現人才荒，唔少公司為咗挽留或增聘人才都唯有出盡法寶，加人工或提前升職等，希望減低公司人才不足帶嚟嘅影響。但其實，就算IT人手渴市，IT行業嘅前途發展並唔係特別好，關鍵係IT人嘅溝通能力！
有唔少IT人其實技術能力幾好、勇於負責任、工作能力又唔錯，但就係一直「高不成低不就」。唔係喺公司做隱形人一直坐喺自己位到埋頭苦幹，就係喺機房或者使用者嘅電腦面前進行維護工作。有啲IT人成日都好似閒雲野鶴咁，喺到感嘆懷才不遇。亦有啲IT人想自己闖一番名堂，但一直遇唔到「對的人」同埋「對的Project」，唔知點樣可以擴展業務。
其實人際關係以及溝通能力，對IT人嘅前途發展影響深遠！若人際關係處理不善，少咗人脈關係嘅話，有時到咗可以成交嘅階段，但就係因為缺少有力人士嘅相助，導致喺埋門一腳「撻Q」，最後不了了之。亦有時候因為溝通能力唔係咁好，表達方式容易引起誤會，以致原本有合作嘅機會同空間，最後都搞到不歡而散。
IT人有技術能力固然係好事，但唔擅長處理人際關係、溝通表達自我想法嘅能力不佳，再好嘅技術能力都會因而大打折扣，全因你冇辦法令人相信你嘅技術能力。
培養人際關係、改善溝通表達能力，係IT人喺工作中不可缺少嘅軟能力。技術只係幫助你獨立解決問題，而人際關係同溝通能力，反而係幫助你搵到合適嘅人去解決問題嘅重要關鍵！好多事業上有所成就嘅人，靠嘅唔係自己擁有嘅技術，而係組成團隊合作嘅能力。
而人際關係培養同溝通能力養成，都係平時多加磨練，日積月累先睇到成效。咁樣先可以令你喺IT呢一行穩定地向上發展，順利達成預定嘅目標。
想知IT人實際點樣提升溝通能力？了解更多：https://bit.ly/3qMuE6s
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/
