大家覺得返工有咩秘訣可以令你開心啲？有打工仔喺網上發文表示工作就好似一個f**kboy咁，你為佢付出幾多都好，佢都只係利用你嘅價值，並唔會給予你任何意義，除咗少許甜頭。而作為「回報」，打工仔都要做返一個f**kboy，打工只係為份糧，絕對唔可以付出更多嘅愛。
網民就話依個係一個好有趣嘅比喻，而亦有網民表示認同，既然公司唔當你自己人，點解要為公司賣命，公司出得起幾多錢，就做返幾多錢嘅質素。
小編就覺得返工固之然係辛苦難頂，但其實人生有咁多時間都花喺工作上，其實要令自己開心，個秘訣係要識得喺工作中搵到快樂，每個人快樂嘅位都唔同。以小編自己而言，首先要揀一份自己鍾意嘅工，咁樣起碼會享受自己做緊嘅嘢/有成功感，二嚟睇下同同事有冇偈傾，因為有時吊頸都要抖下氣，間唔中做到攰，同同事傾下偈時間都會快過啲，咁樣返工唔再係咁「難捱」。當然人生有40年去打工，當一個生活每日重複咗40年，都會覺得冇意義/無聊，但無可奈何依個現實係要接受，換個角度轉個心態，所有嘢望落又會截然不同～
資料來源：Dcard
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
