做職場新人係每位打工仔必經階段，大家仲記唔記得當年係咩感受？好開心搏盡無悔？好辛苦好唔習慣？定係冇乜特別感覺？有網民就話自己返咗FG第一份工之後日日都好大壓力，因為唔似intern咁有人指引點做，唔識又冇人可以問，又怕阻到大粒嘢，同事年齡差異大難溝通…
網民有同感
好多網民睇到之後紛紛留言鼓勵樓主，話自己想當年都係咁，仲分享自己嘅經歷圍爐，表示自己都明白樓主感受，身邊同事都係年齡差異較大，搭唔上嘴，工作上好多嘢都唔識搞到好徬徨好大壓力。
網民建議
有網民就俾建議職場新人，唔洗咁勉強要同同事熟，返工傾下公事就算；如果真係搞到好大壓力影響心理健康就「工建辭」。亦有打工仔建議頭5年點難頂都盡量捱埋佢，學多啲skills同盡量跳高啲人工。
小編覺得作為新人，大家都預咗你唔識，其實都唔怕問，只要有禮貌咁問，同埋抄低問過嘅嘢，唔好重複咁問，如果唔係做錯要上司「執手尾」仲煩～同老一輩同事傾偈就係咁咦做下樣講兩句就算，反正都唔會keep到contact，最緊要對答有禮貌。唔知大家又會俾咩意見職場新人捱過依個時期呢？
資料來源：Dcard
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
