之前小編有寫過，如果俾人問你有咩缺點要點答，今次小編就揀咗另一條面試必問問題，「你有冇咩問題想問？」，依條問題其實唔難答亦冇特定答案，但係有時面試緊張得滯，個腦就會一片空白然後就諗唔到答咩好，大家不妨參考以下方向！
方向一：我符唔符合依個職位嘅需求？
依個可以顯示你係「進取+自信型」，並且顯示你希望喺工作上有突破同發展。
加分原因：首先依個問題要係你感覺對方係咪想要一個進取嘅人先，同埋要係你對自己表現好有信心就可以考慮問吓。咁樣對方都會覺得你有自信得嚟又會有想磨合嘅心，同埋感覺真係對依個職位有興趣，而唔係冇乜所謂嘅態度。
方向二：你會點形容依間公司嘅文化？
依個可以顯示你係「有誠意加入」，並且顯示你希望主動了解多啲上網搵唔到嘅公司資訊、融入公司。
加分原因：如果你feel到面試氣氛唔錯，同對方好似傾得幾投契，對方又好似幾隨和輕鬆嘅，可以問啲casual啲嘅問題，顯得你真係對嗰間公司有興趣，亦都有心去深入了解公司文化，從而睇下將來有冇機會易啲融入。
方向三：會唔會有團隊同我一齊做嘢？
依個可以顯示你係「著重團隊精神」，並且顯示你傾向團隊工作多過個人工作。
加分原因：公司都會想新人可以融入環境，同埋係好嘅Team Player，所以咁問就會表現到自己重視「人際關係」同埋肯「團體合作」。
其實依條問題真係有好多答案，好多都要靠即使轉數夠快先可以顯得特別出眾，小編亦唔建議死背咗佢，淨係問依3條，但係假若真係諗唔到問咩，就可以問下以上嘅方向。但記得因應情況而調整你嘅問題，如果唔係反而加分變扣分，最重要都係做自己，俾人感受到你，而唔係做戲嘅你！
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
